გაერთიანებული სამეფო უკრაინასთან სადაზვერვო ინფორმაციის გაზიარებას გააგრძელებს, თუმცა ლონდონისა და ევროპის სხვა ქვეყნების მიერ შეთავაზებული უფრო შეზღუდული შესაძლებლობები გაართულებს აშშ-ს მიერ შეჩერებული მონაცემების ჩანაცვლებას, - ინფორმაციას The Guardian-ი საკუთარ წყაროებზე დაყრდნობით ავრცელებს.

გამოცემის ცნობით, გაერთიანებული სამეფო ასევე გააგრძელებს დაუმუშავებელი მონაცემების ანალიზის მიწოდებას, თუმცა ჩვეულებრივი სადაზვერვო პრაქტიკის შესაბამისად, ის არ გადასცემს აშშ-ს ინფორმაციას, რომელიც მიღებული იქნება ორ ქვეყანას შორის დიდი ხნის განმავლობაში დამკვიდრებული გაზიარების შეთანხმებებით.

„ისინი არ არიან იმდენად შორს მიმავალი, როგორიც აშშ-ის შესაძლებლობები, არ აქვთ იგივე მასშტაბი და ვერ დაიკავებენ მათ ადგილს, მაგრამ საშუალებას მისცემენ უკრაინას უზრუნველყოს გარკვეული ადრეული გაფრთხილება თავდასხმის შესახებ და რუსეთის წინააღმდეგ ღრმა დარტყმის გარკვეული პოტენციალი,“ - აღნიშნეს წყაროებმა გამოცემასთან საუბარში.

The Guardian-ი განმარტავს, რომ სატელიტებიდან, სახმელეთო სადგურებიდან, სათვალთვალო თვითმფრინავებიდან, როგორიცაა Rivet Joint, და ფარულად განლაგებული სახმელეთო ძალებიდან მიღებული სადაზვერვო მონაცემები გროვდება და უზიარდება უკრაინას ღია წყაროს მასალასთან ერთად, რუსეთში ღრმა სარაკეტო და დრონებით დარტყმების შესაძლებლობის უზრუნველსაყოფად.

შეგახსენებთ, საფრანგეთის თავდაცვის მინისტრმა, სებასტიან ლეკორნუმ გუშინ განაცხადა, რომ საფრანგეთი უკრაინასთან სადაზვერვო ინფორმაციის გაზიარებას აგრძელებს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს