აშშ-ს სახელმწიფო დეპარტამენტმა შეაჩერა აშშ-ს საერთაშორისო განვითარების სააგენტოს (USAID) ინიციატივა - უკრაინის ენერგოუსაფრთხოების პროექტი, რომლითაც აშშ-მ რუსეთის თავდასხმებით დაზიანებული უკრაინული ენერგეტიკული ქსელის აღდგენაში მილიონობით დოლარის ინვესტიცია ჩადო. 

ინფორმაციას ამერიკული ტელევიზია NBC News USAID-ის 2 მაღალჩინოსანზე დაყრდნობით ავრცელებს. 

"ეს მნიშვნელოვნად ამცირებს ამ ადმინისტრაციის შესაძლებლობებს ცეცხლის შეწყვეტის შეთანხმების შესახებ მოლაპარაკებებში და ეს სიგნალს გაუგზავნიდა რუსეთს, რომ ჩვენ არ გვაინტერესებს უკრაინა ან ჩვენი წარსული ინვესტიციები. 

რუსეთი უკრაინის წინააღმდეგ ორმხრივ ომს აწარმოებს: სამხედროს და ეკონომიკურს. ისინი ცდილობენ, ჩამოშალონ ეკონომიკა, თუმცა USAID-ს ცენტრალური როლი შეუსრულებია უკრაინის დახმარებაში, დარჩენილიყო ის მტკიცე და შეენარჩუნებინა ელექტრონული ქსელი. ჩვენი უკრაინის მთავრობას დიდი რაოდენობის დახმარება გადავეცით, რათა თავიდან აგვეცილებინა მაკროეკონომიკური კრიზისი". - თქვა ერთ-ერთმა ანონიმურმა წყარომ USAID-იდან. 

წყაროებმა NBC-ს უთხრეს, რომ USAID-ის მიერ უკრაინიდან გამოსვლა ქვეყნის ენერგეტიკულ ქსელს შუა ზამთარში რუსული რაკეტების თავდასხმების წინაშე მოწყვლადს დატოვებდა.

აშშ-ს სახელმწიფო დეპარტამენტს აღნიშნულზე ჯერჯერობით კომენტარი არ გაუკეთებია. 

რუსეთი უკრაინის ენერგო ობიექტებს ომის დაწყებიდან დღემდე ესხმის თავს. 

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს