საქართველოს იუსტიციის სამინისტროს ეროვნულმა არქივმა პროექტ „ქართული სიძველეების" ფარგლებში მოძიებული საარქივო მასალის გამოქვეყნება დაიწყო.

საქართველოს ეროვნული არქივის ცენტრალურ და რეგიონულ არქივებში ქართული სიძველეების შესახებ მნიშვნელოვანი დოკუმენტებია დაცული: სიები, ფოტოები, ჩანახატები, ნახაზები. საზოგადოებისთვის კარგად არის ცნობილი XVIII-XX საუკუნეებში საქართველოდან განძის გატანის ყველაზე მასშტაბური შემთხვევები (ბატონიშვილების ქონება, ჩრდილოეთ კავკასიაში გახიზნული განძი, საფრანგეთში გატანილი სიძველეები და ა. შ.). განძის დიდი ნაწილი უკან  დაბრუნდა, თუმცა ნაწილი დაიკარგა ან უცხოეთის სხვადასხვა მუზეუმსა თუ კერძო კოლექციაშია განთავსებული. ამ საკითხის კვლევაში საარქივო მასალა შეუცვლელი წყაროა.

პროექტზე ეროვნული არქივის სამეცნიერო განყოფილება რამდენიმე წელია მუშაობს. მოძიებული და ანოტირებულია ათეულობით ფოტო და წერილობითი დოკუმენტი, რომელიც ქართული სიძველეების საკითხს შეეხება. პროექტის მიზანია აღნიშნულ თემაზე ეროვნულ არქივში დაცული დოკუმენტების თავმოყრა, შესწავლა, მონოგრაფიული ნაშრომისა და ალბომის მომზადება.

ეროვნული არქივი პროექტზე მუშაობას განაგრძობს და საზოგადოებას ეტაპობრივად წარუდგენს გამოვლენილ სიახლეებსა და კვლევის შედეგებს.

პროექტის შესახებ ინფორმაცია ხელმისაწვდომია ბმულზე: https://archive.gov.ge/ge/kartuli-sidzveleebi-1

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს