თბილისის საქალაქო სასამართლომ სამოქალაქო აქტივისტები ისაკო დევიძე და მარიამ გაჩეჩილაძე ადმინისტრაციულ სამართალდამრღვევად ცნო, თუმცა ადმინისტრაციული სახდელი მხოლოდ ისაკო დევიძეს დაეკისრა - 5 000 ლარის ოდენობით.

რაც შეეხება მარიამ გაჩეჩილაძეს, მიუხედავად იმისა, რომ ისიც ცნობილია ადმინისტრაციულ სამართალდამრღვევად, მოსამართლის გადაწყვეტილებით, გაჩეჩილაძე გათავისუფლდა პასუხისმგებლობიდან და მხოლოდ სიტყვიერი გაფრთხილება მიეცა.

აღსანიშნავია, რომ ისაკო დევიძეს და მარიამ გაჩეჩილაძეს შსს რუსთაველის გამზირზე მიმდინარე აქციების დროს გზის ხელოვნურად გადაკეტვას ედავებოდა, როდესაც, უწყების განმარტებით, გზის გადაკეტვის საჭიროება არ იყო აქციის მონაწილეთა რაოდენობიდან გამომდინარე. კერძოდ, უწყების ცნობით, ისაკო დევიძემ გზა ხელოვნურად 8 იანვარს, ხოლო მარიამ გაჩეჩილაძემ 9 იანვარს გადაკეტა. შსს-ს ინფორმაციით, მტკიცებულების სახით გააჩნიათ სამეთვალყურეო კამერის ვიდეო-ჩანაწერი, სადაც ასახულია დევიძისა და გაჩეჩილაძის მხრიდან გზის ხელოვნურად გადაკეტვის ფაქტები.

რაც შეეხება გაჩეჩილაძისა და დევიძის პოზიციებს, მათი თქმით, მათ გზა არ გადაუკეტავთ, შესაბამისად თავს სამართალდამრღვევებად არ მიიჩნევენ.

აღსანიშნავია, რომ ისაკო დევიძემ გადაწყვეტილების გამოტანამდე სხდომა პროტესტის ნიშნად დატოვა და მოტივად, მოსამართლისადმი უნდობლობა დაასახელა.

ავტორი: ექსპრესნიუსი,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს