ხანგრძლივი მშვიდობის შესახებ მოლაპარაკებების გამართვა მხოლოდ უკრაინელებს შეუძლიათ, ჩვენ მათ დავეხმარებით, - ამის შესახებ საფრანგეთის პრეზიდენტი, ემანუელ მაკრონი სოციალურ ქსელში წერს.

საფრანგეთის პრეზიდენტის, ემანუელ მაკრონის ცნობით, უკრაინის პრეზიდენტს, ვოლოდიმირ ზელენსკის ესაუბრა.

„თუ პრეზიდენტ ტრამპს ნამდვილად შეუძლია დაარწმუნოს პუტინი, რომ უკრაინის წინააღმდეგ თავისი აგრესიული ომი შეაჩეროს, ეს შესანიშნავი ამბავია. ამის შემდეგ, მყარი და ხანგრძლივი მშვიდობის შესახებ მოლაპარაკებების გამართვა მხოლოდ უკრაინელებს შეუძლიათ. ჩვენ მათ დავეხმარებით“, - წერს ემანუელ მაკრონი X-ზე.

მისი თქმით, ევროპამ კოლექტიური უსაფრთხოება უნდა გააძლიეროს და უფრო ავტონომიური უნდა გახდეს.

„ამ პროცესის დასაჩქარებლად საფრანგეთი თავის როლს სრულად შეასრულებს“, - აღნიშნა საფრანგეთის პრეზიდენტმა.

უკრაინის პრეზიდენტის, ვოლოდიმირ ზელენსკის ინფორმაციით, საუბრის მთავარი თემა სამართლიანი მშვიდობის მიღწევის მიზნით უკრაინის, აშშ-ისა და ევროპის ერთობლივი სტრატეგიის შემუშავება იყო.

„ჩვენ სამართლიანი მშვიდობის მისაღწევად ერთობლივი ეფექტური სტრატეგია აშშ-სა და ევროპასთან ერთად უნდა შევიმუშაოთ. ბევრი მნიშვნელოვანი საკითხი განვიხილეთ, კერძოდ, უსაფრთხოების გარანტიები და საფრანგეთის კონკრეტული წინადადებები“, - წერს ვოლოდიმირ ზელენსკი X-ზე.

ავტორი: ექსპრესნიუსი,

სოციალური ქსელები

CNN: დიმიტრიევმა ნიუ-იორკში ვიტკოფთან და კუშნერთან მოლაპარაკებები გამართა

კობახიძე Kordz-ის კონცერტის გაუქმებაზე -ლიბერალური ფაშიზმის წამახალისებელი აქტი

კობახიძე - - მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს

ლარსზე, რუსეთსა და საქართველოს შორის მიმოსვლა უსაფრთხოების განგაშის გამო დროებით შეჩერდა