ევროკომისიის პრეზიდენტმა, ურსულა ფონ დერ ლაიენმა მიუნხენის უსაფრთხოების კონფერენციაზე უკრაინასთან დაკავშირებით ისაუბრა. როგორ ლაიენმა კონფერენციაზე ისაუბრა, წარუმატებელი უკრაინა დაასუსტებს ევროპას, მაგრამ ასევე დაასუსტებს შეერთებულ შტატებს.

„ბევრი საუბარი იყო ბოლო რამდენიმე დღის განმავლობაში, მაგრამ ყოველთვის სასარგებლოა სიტყვების მიღმა გახედვა და იმის აღიარება, რომ პროცესის მხოლოდ დასაწყისში ვართ.

მოდით შევაფასოთ საწყისი პოზიციები, კონტრასტი დავინახოთ პრეზიდენტ ზელენსკისა და პრეზიდენტ პუტინის მიდგომებს შორის. ურთულეს გარემოებებში პრეზიდენტი ზელენსკი მზად არის მშვიდობის მისაღწევად მუშაობისთვის, რომელიც პატივს სცემს მისი ქვეყნისა და მისი გარდაცვლილი თანამოქალაქეების მიერ გაწეულ მსხვერპლს.

როგორც ვოლოდიმირ ზელენსკიმ თქვა დასაწყისიდანვე: უკრაინამ უფრო მეტად სურს მშვიდობა, ვიდრე ვინმე სხვას, ისეთი, რომელიც სამართლიანი და მყარია, რათა აღარასდროს დავუბრუნდეთ ბოლო სამი წლის საშინელებებს.

მეორე მხრივ, პრეზიდენტი პუტინი ამბობს, რომ ის მზად არის შეხვედრისთვის, მაგრამ რა პირობებით? მასზეა დამოკიდებული აჩვენოს, რომ მის ინტერესში არ არის ამ ომის გაგრძელება. მასზე დამოკიდებული აჩვენოს, რომ მან თავი დაანება თავის ამბიციას გაანადგუროს უკრაინა. და საშუალება მომეცით ძალიან ნათლად ვთქვა - წარუმატებელი უკრაინა დაასუსტებს ევროპას, მაგრამ ასევე დაასუსტებს შეერთებულ შტატებს…

უკრაინას ძალის მეშვეობით მშვიდობა სჭირდება, ევროპას ძალის მეშვეობით მშვიდობა უნდა, და პრეზიდენტმა ტრამპმა ნათელი გახადა, რომ შეერთებული შტატები მყარად ერთგულია ძალის მეშვეობით მშვიდობის,” - განაცხადა ფონ დერ ლაიენმა.

ავტორი: ექსპრესნიუსი,

სოციალური ქსელები

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა

„ივრის ფერმებში“ მოსავლის აღების დროა - ბაზისბანკი საქართველოში ნუშის კულტურის დანერგვის მხარდამჭერია