14 თებერვალს, მიუნხენში ევროკომისიის პრეზიდენტი ურსულა ფონ დერ ლაიენი და ევროპის საბჭოს პრეზიდენტი ანტónio კოშტა შეხვდნენ უკრაინის პრეზიდენტ ვოლოდიმირ ზელენსკის.

შეხვედრისას ევროკავშირის ლიდერებმა კიდევ ერთხელ დაადასტურეს უკრაინისადმი მტკიცე და სტაბილური მხარდაჭერა, რომელიც გაგრძელდება მანამ, სანამ არ მიიღწევა სამართლიანი, ყოვლისმომცველი და მდგრადი მშვიდობა.

ფონ დერ ლაიენმა და კოშტამ ხაზი გაუსვეს, რომ მხოლოდ ასეთი მშვიდობა უზრუნველყოფს უკრაინის სუვერენიტეტსა და კეთილდღეობას და ამასთანავე, ევროპის უსაფრთხოებასაც. მათ ასევე აღნიშნეს, რომ ევროკავშირი იმუშავებს უკრაინის პოზიციების გასამყარებლად ნებისმიერი მომავალი მოლაპარაკებების წინ და ქვეყნისთვის ძლიერი უსაფრთხოების გარანტიების უზრუნველსაყოფად.

"ძვირფასო ზელენსკი, ევროპა თქვენს გვერდით დგას სამართლიანი და მდგრადი მშვიდობისთვის, ძლიერი უსაფრთხოების გარანტიებით.

ჩვენ გავაგრძელებთ უკრაინისთვის უწყვეტი და სტაბილური მხარდაჭერის უზრუნველყოფას.

ასევე, დავაჩქარებთ თქვენს ევროკავშირში გაწევრიანების პროცესზე მუშაობას."- წერს პლათფორმა X-ზე ორსულა ფონ დერ ლაიენი.

შეხვედრაზე ლიდერებმა ასევე მოუწოდეს ევროპულ ქვეყნებს, გაზარდონ თავდაცვის ხარჯები და გააძლიერონ თავიანთი თავდაცვითი შესაძლებლობები, რათა დაეხმარონ უკრაინის შეიარაღებული ძალების გაძლიერებაში.

 ევროკავშირის ლიდერებმა ასევე დაადასტურეს მზადყოფნა, დააჩქარონ უკრაინის ევროკავშირში გაწევრიანების პროცესი.

ავტორი: ექსპრესნიუსი,

სოციალური ქსელები

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა

„ივრის ფერმებში“ მოსავლის აღების დროა - ბაზისბანკი საქართველოში ნუშის კულტურის დანერგვის მხარდამჭერია