2025-02-14 16:36:03, 400 ნახვა

---

ალეკო ცქიტიშვილი - საკანონმდებლო ცვლილებებით ე.წ. პარლამენტმა და ივანიშვილის რეჟიმმა სცადა, რომ გაემკაცრებინა რეპრესიები

მიუხედავად იმისა, რომ გაზაფხულია, შემოდგომის ბუზივით იკბინება რუსული რეჟიმი და მისი დამარცხება მხოლოდ ბრძოლით არის შესაძლებელი - ჩვენ უკან დასახევი გზა არ გვაქვს, - ამის შესახებ „ადამიანის უფლებათა ცენტრის“ ხელმძღვანელმა, ალეკო ცქიტიშვილმა ჟურნალისტებთან განაცხადა.

მისი თქმით, მიუხედავად უპრეცედენტო საერთაშორისო მხარდაჭერისა, „რუსულ რეჟიმზე“ საბოლოო გამარჯვებას მხოლოდ ქართველი ხალხის ბრძოლის შედეგად მივაღწევთ.

„ბოლოდროინდელი საკანონმდებლო ცვლილებებით ე.წ. პარლამენტმა და ივანიშვილის რეჟიმმა სცადა, რომ კიდევ უფრო გაემკაცრებინა რეპრესიები, რომელიც არჩევნებიდან მოყოლებული, ცხადია ქვეყანაში. საზოგადოებრივი ორგანიზაციები აქტიურად ვართ ჩართულები როგორც დაკავებულთა მსხვერპლთა დაცვაში, ისე სამოქალაქო პროტესტში და მნიშვნელოვანია ხვალ ყველანი, ვინც ამ პროტესტში ვმონაწილეობთ, მოვიდეთ ევროპის მოედანზე, მივიღოთ მონაწილეობა საპროტესტო აქციაში. მნიშვნელოვანია, რა თქმა უნდა, საერთაშორისო მხარდაჭერა, ის, რომ დემოკრატიული ქვეყნები არ აღიარებენ რუსულ რეჟიმს საქართველოში. გუშინდელი რეზოლუცია სწორედ ამის დასტურია, სადაც პირდაპირ სიტყვა-სიტყვით არის გამოყენებული ის ტერმინები, რასაც ჩვენ არჩევნების დღიდან მოყოლებული ვიყენებთ, რომ არალეგიტიმურია ეს ხელისუფლება, თვითგამოცხადებულია და ფაქტობრივად, ის წარმოადგენს რეჟიმს, რუსეთის დასაყრდენს საქართველოში. ცხადია, რომ მიუხედავად ასეთი უპრეცედენტო საერთაშორისო მხარდაჭერისა, მხოლოდ ქართველი ხალხის ბრძოლის შედეგად მივაღწევთ საბოლოო გამარჯვებას ამ რუსულ რეჟიმზე და ჩვენ სხვა უკან დასახევი გზა არ გვაქვს. ვხედავთ, რომ მიუხედავად იმისა, რომ გაზაფხულია, შემოდგომის ბუზივით იკბინება რუსული რეჟიმი, მიიღო ახალი კანონები, ამკაცრებს რეპრესიებს და მხოლოდ მასთან ბრძოლით არის შესაძლებელი ამ რეჟიმის დამარცხება“, - განაცხადა ცქიტიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი