საპენსიო სააგენტო, რომელსაც პარლამენტმა საქართველოს მოსახლეობის პენსიების დაგროვება ანდო, 2025 წელს Facebook-რეკლამაში 30 ათას ლარს დახარჯავს. ინფორმაცია გამოქვეყნდა შესყიდვების სააგენტოს ვებგვერდზე.

„სოციალურ ქსელ Facebook-ს საქართველოში ყველაზე მეტი მომხმარებელი ჰყავს. გამომდინარე აქედან, სწორედ ამ ქსელშია არასწორი ინფორმაციის გავრცელების ყველაზე მაღალი რისკი, შესაბამისად საჭიროა მოცემული ქსელით სააგენტოს მიერ გავრცელებული რეალური ინფორმაციის ხელმისაწვდომობის გაზრდა“, - წერია საპენსიო სააგენტოს დასაბუთებაში, რომლითაც რეკლამაში ფულის დახარჯვაზე ნებართვას ითხოვს.

საპენსიო სააგენტო 2018 წელს შეიქმნა. საკანონმდებლო ცვლილებებით, 2019 წლის პირველი იანვრიდან ყველა დასაქმებულს ხელფასიდან ეჭრება 2%, ამდენივეს იხდის მისი დამსაქმებელი, ნაწილს კი - სახელმწიფო (მოქალაქის შემოსავლიდან გამომდინარე). დაგროვებულ თანხას სააგენტო სხვადასხვა რისკის პორტფელში ინვესტიციის სახით დებს.

2025 წლის 31 იანვრის მონაცემებით, საპენსიო სქემაში გაერთიანებულია 1,6 მილიონამდე ადამიანი. საპენსიო სააგენტოს აქვს 6,3 მილიარდი ლარის აქტივები, საიდანაც ამონაგები 1,54 მილიარდი ლარია.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა