|
2025-02-13 14:26:48, 482 ნახვა
საზოგადოება
გიგა სოფრომაძე - რეპრესიები საჯარო სამსახურსაც შეეხო, ეს აღარ არის ადამიანთა დაშინებისა და რეკეტის მცდელობა, არამედ მკვლელობაა
მთავრობის ადმინისტრაცია არის ის უწყება, რომელიც პასუხისმგებელია ქვეყანაში მიმდინარე პროცესებზე. რეპრესიები უკვე საჯარო სამსახურსაც შეეხო, - ამის შესახებ „საჯარო მოსამსახურეთა დამოუკიდებელი პროფესიული კავშირი კონსტიტუციის 78-ე მუხლის" წევრმა გიგა სოფრომაძემ, მთავრობის ადმინისტრაციასთან განაცხადა. მისი თქმით, ისინი 15 თებერვალს დაანონსებულ აქციას უერთდებიან და საჯარო მოხელეებს პოზიციის ხმამაღლა დაფიქსირებისკენ და აქციაში მონაწილეობის მიღებისკენ მოუწოდებენ. „საჯარო მოსამსახურეთა დამოუკიდებელი პროფესიული კავშირი კონსტიტუციის 78-ე მუხლი" ვუერთდებით 15 თებერვალს დაგეგმილ მასშტაბურ მსვლელობას. ჩვენ მსვლელობას 18:00 საათზე მთავრობის ადმინისტრაციიდან ვიწყებთ, რადგან მთავრობის ადმინისტრაცია არის ის უწყება, რომელიც პასუხისმგებელია ქვეყანაში მიმდინარე პროცესებზე. რეპრესიები აღარ არის მხოლოდ არასამთავრობო ორგანიზაციების მიმართ, უკვე ეს ყველაფერი საჯარო სამსახურსაც შეეხო. ჩვენ ვხედავთ, რომ საჯარო სამსახურის არაეფექტურ მუშაობას შედეგად მსხვერპლი მოჰყვება. ეს აღარ არის ადამიანთა დაშინებისა და რეკეტის მცდელობა, არამედ ეს უკვე მკვლელობაა. გაუქმდა საჯარო სამსახურის ბიურო, პარლამენტის კვლევითი ცენტრი და უქმდება ინსტიტუტები, რომლებიც ამ ქვეყანაში სამართლის დამკვიდრებას უწყობს ხელს. ეს პროცესი კი საზოგადოებაზე ცუდად აისახება. სისტემაში კრიზისია და ყველა საჯარო მოხელეს მოვუწოდებ, შემოგვიერთდნენ და დააფიქსირონ თავიანთი პოზიცია, ქვეყანაში მიმდინარე პროცესებთან დაკავშირებით", - განაცხადა გიგა სოფრომაძემ. ცნობისთვის, დედაქალაქში საზოგადოებრივი ჯგუფების, არასამთავროვო სექტორისა და მოქალაქეების ჩართულობით 15 თებერვალს მასშტაბური აქცია იგეგმება. აქცია 18:00 საათზე ევროპის მოედანზე დაიწყება და აქციის მონაწილეები მსვლელობით, თავისუფლების მოედანზე გადაინაცვლებს, ასევე დაგეგმილია სხვადასხვა სახის პერფორმანსებიც.
ტრამპის ელჩებმა რუსეთი და უკრაინა გააფრთხილეს მშვიდობის დამყარების ბოლო შესაძლებლობის ხელიდან გაშვების რისკის შესახებ
ტრამპი და რუსი ოლიგარქები დაკავშირებული არიან Deutsche Bank-ის ფულის გათეთრებასთან
აქუბარდია - გაბედეს და საკონსტიტუციო სასამართლოში რუსული ნარატივის შემცველი კითხვა დასვეს
ყიფშიძის ქუჩაზე პირი მეორე პირს ჯერ ფიზიკურად დაუპირისპირდა, შემდეგ ცივი იარაღით მოკლა, ბრალდებულიც დაჭრილია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



