ბიძინა ივანიშვილის და მისი გარემოცვის სანქცირების ყველაზე მასშტაბურ სიას ევროპარლამენტში კენჭს თბილისის დროით ზუსტად 15:00 საათზე უყრიან. კოალიცია "ცვლილებისთვის" ერთ-ერთი ლიდერი, ზურა ჯაფარიძე, რომელიც სტრასბურგში იმყოფება, ამბობს, რომ სანქცირების სიაში ივანიშვილის ოჯახი ასე ფართოდ პირველად არის ჩასმული.

მისივე თქმით, არ ახსოვს ევროპარლამენტს ასეთი მკაცრი რეზოლუციის ტექსტი ოდესმე მიეღოს.

კარგი სია არის ჩემი აზრით, მათ შორის პირველად არის ოჯახი ფართო გაგებით ჩასმული. აქ არიან ოჯახის წევრები ჩასმული, რომლებიც მე არასდროს არ შემხვედრია არცერთ დასანქცირების ან სარეკომენდაციო სიაშიც კი. კარგი სიაა მაგ მხრივ, პროპაგანდისტების ამ ორი ნაწილიდან ჩემი აზრით ვიღაცეები აკლია. სახელ და გვარებს მე არ დავასახელებ, მაგრამ პროპაგანდისტების ნაწილში და "ბიზნესმენების" ნაწილში ვიღაცეები აკლია. ჩემი აზრით, საკმაოდ მკაცრი რეზოლუცია არის, ყოველ შემთხვევაში ასეთი მკაცრი ტექსტი მე არ მახსოვს ევროპარლამენტს მიეღოს და ამხელა თან საქართველოსთან მიმართებაში მიიღოს", - ამბობს ზურაბ გირჩი ჯაფარიძე.

ივანიშვილის ოთხივე შვილი, ცოლი, დისშვილი, დეიდაშვილი. პრემიერი, მინისტრები და თბილისის მერი.  კარის ბიზნესმენები ვანო ჩხარტიშვილი და სულხან პაპაშვილი, იმედის მფლობელი ირაკლი რუხაძე, საზოგადოებრივი მაუწყებლიდან თინათინ ბერძენიშვილი და ვასილ მაღლაფერიძე. ეროვნული ბანკის პრეზიდენტი და კომუკინაციების კომისიის თავმჯდომარე -  ყველას სახელი და გვარი შავ სიაშია ჩაწერილი.

დღეს "ქართული ოცნებისთვის"  მძიმე დღეა - ევროპარლამენტის მიერ მიღებული რეზოლუციას შესაძლოა, დამაჩქარებლის ეფექტი ჰქონდეს და ევროკავშირის სახელმწიფოები მოქმედებაზე ინდივიდუალურად გადავიდნენ. ეს საქართველოს ისტორიაში იქნება ყველაზე მწვავე დოკუმენტი, რომელსაც ევროპარლამენტი დაამტკიცებს. 

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს