საქართველოს ბანკი, როგორც ბიზნესის განათლებაზე ორიენტირებული ფინანსური ინსტიტუტი, საგანმანათლებლო პლატფორმაზე  

Businesscourse.ge ახალი კურსების დამატებას აგრძელებს.

პლატფორმას ახლახან დაემატა კურსი - „ელექტრონული კომერცია“, რომელიც დაინტერესებულ პირებს ამ სფეროში მნიშვნელოვან დახმარებას გაუწევს.

კურსის გავლის შედეგად გაიგებთ, როგორ შეიძლება შეიქმნას ელექტრონული კომერციის ვებგვერდი, რომელი პლატფორმები უნდა გამოიყენოთ, რაში დაგეხმარებათ ხელოვნური ინტელექტი და ციფრული მარკეტინგი და სხვა.

„ელექტრონული კომერცია ციფრული ეპოქის ეკონომიკური საფუძველია. იგი მსოფლიოს სხვადასხვა წერტილს ერთმანეთთან აკავშირებს და მას ერთ გლობალურ ბაზრად აყალიბებს. ელექტრონული კომერცია ფილოსოფიაა, რომელმაც შეცვალა ჩვენი ცხოვრების, ურთიერთობისა თუ მუშაობის წესი. ამ სფეროში ინოვაცია ხვდება ტექნოლოგიებს, იდეები გარდაიქმნება პროდუქტებად, მცირე სტარტაპებს კი ეძლევათ შესაძლებლობა, გლობალურ ბრენდებად იქცნენ“, - ამბობს მენტორი, თორნიკე აფხაზი.

„მოხარული ვართ, რომ გვაქვს შესაძლებლობა, ბიზნესის წარმომადგენლებს, მათ შორის ელექტრონული კომერციის საკითხებით დაინტერესებულ ადამიანებს, გავუზიაროთ საგანმანათლებლო ინსტრუმენტები, რათა კიდევ უფრო განვითარდნენ და საკუთარ საქმიანობაში ინოვაციური მეთოდები დანერგონ. ელექტრონული კომერცია ერთ-ერთი სწრაფად მზარდი დარგია, აღნიშნული კურსით კი ჩვენ შესაძლებლობას ვაძლევთ ბიზნესებს, გაეცნონ მის საფუძვლებს და დაგეგმონ მომდევნო ნაბიჯები საკუთარი ელ. კომერციის პლატფორმებისა და ვაჭრობის განვითარებისთვის“, - აცხადებენ საქართველოს ბანკში.

კურსის შესახებ დეტალური ინფორმაციის სანახავად და რეგისტრაციისთვის ეწვიეთ ბმულს.

ინფორმაციისთვის, ბიზნესკურსი საქართველოს ბანკის მიერ შექმნილი უფასო პლატფორმაა, რომელზეც კურსები ხელმისაწვდომია ონლაინ ლექციების ფორმატში, მათი გავლა კი შესაძლებელია ნებისმიერ დროს, ნებისმიერი ადგილიდან. ბიზნეს კურსი ბიზნეს განათლებისა და ბიზნეს 360-ის  შემადგენელი ნაწილია. ბიზნეს 360° ციფრული პლატფორმაა, რომელიც ყველა იმ  შესაძლებლობას აერთიანებს, რასაც საქართველოს ბანკი მცირე და საშუალო ბიზნესისთვის ქმნის - იქნება ეს საგანმანათლებლო პროექტები, განვითარებაზე ორიენტირებული პროგრამები, შეთავაზებები თუ სხვა.

ავტორი: R (რეკლამა),

სოციალური ქსელები

მასკის დეპარტამენტმა, სამუშაო ჯგუფს, რომელიც უკრაინელი ბავშვების დასაბრუნებლად მუშაობს, დაფინანსება შეუჩერა

ადვოკატის ინფორმაციით, ომარ ოკრიბელაშვილი, სავარაუდოდ, გლდანიდან რუსთავის ციხეში იძულებით გადაჰყავთ

ჯეი დი ვენსი - ევროპა ცივილიზაციური თვითმკვლელობის საფრთხის ქვეშ არის

გერმანიის მთავრობაში აცხადებენ, რომ უკრაინაში ცეცხლის შეწყვეტაზე ვლადიმერ პუტინის განცხადებები მოლაპარაკებების გაჭიანურებაა