თეთრიწყაროს მხარეთმცოდნეობის მუზეუმის ხელმძღვანელი თანამდებობას ტოვებს - ამის შესახებ ალექსანდრე მელიქიძე სოციალურ ქსელში წერს.

როგორც მელიქიძის პოსტიდან ირკვევა, ცენტრის ერთ-ერთ თანამშრომელს შრომითი ხელშეკრულება არ გაუგრძელეს მელიქიძის მიმდინარე მოვლენებთან დაკავშირებული პოსტის მოწონებისა და პირად გვერდზე გაზიარების გამო - "ამ პირობებში, არანაირი მორალური უფლება არ მქონდა, ხელი მომეწერა ჩემს შრომით ხელშეკრულებაზე" - დაწერა ალექსანდრე მელიქიძემ.

"მინდა, განსაკუთრებული მადლობა გადავუხადო, ჩვენს ერთ-ერთ საუკეთესო თანამშრომელს მარიამ ჩარკვიანს, რომელსაც არ გაუგრძელეს შრომითი ხელშეკრულება. მისი აქტიური ჩართულობით ხორციელდებოდა აბსოლუტურად ყველა აქტივობა მუზეუმში. სექტემბერში, როცა თავისი ნებით მიდიოდა სამსახურიდან, ჩემი დაჟინებული თხოვნით დარჩა, რათა ბოლომდე მიგვეყვანა წამოწყებული საქმეები. მისი განთავისუფლების არანაირი საფუძველი არ არსებობდა.

თუ ჩემი პოსტის (ქვეყანაში მიმდინარე პროცესებთან დაკავშირებით) გაზიარება მის პირად გვერდზე (არასამუშაო საათებში) და "ლაიქი", "წონადი" არგუმენტია, ამ პირობებში, არანაირი მორალური უფლება არ მქონდა, ხელი მომეწერა ჩემს შრომით ხელშეკრულებაზე.

ვრჩები რიგით მუზეუმელად და თეთრიწყაროს მხარეთმცოდნეობის მუზეუმის გულშემატკივრად" - წერს მელიქიძე.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება