|
2025-02-10 16:33:04, 532 ნახვა
საზოგადოება
ნინო ლომჯარია - იმ ვითარებაში, როცა საშუალო ხელფასი 1500 ლარია და სოციალური დახმარება ოჯახზე 270 ლარამდეა, 5 000 - ლარიანი სანქციები აქციაში მონაწილეობის გამო, სისხლის სამართლის პასუხისმგებლობას უტოლდება
იმ ვითარებაში, როდესაც საშუალო ხელფასი ქვეყანაში არის 1500 ლარი და სოციალური დახმარება ოჯახზე 270 ლარამდეა, 5 000 - ლარიანი სანქციების გამოყენება აქციაში მონაწილეობის გამო, ეს უტოლდება სისხლის სამართლის პასუხისმგებლობას, - ამის შესახებ სამოქალაქო პლატფორმის „საქართველოს ევროპული ორბიტის“ დამფუძნებელმა, ნინო ლომჯარიამ განაცხადა. მისივე თქმით, ამ პროცესებს არაფერი არ აქვთ საერთო სამართლიან სასამართლოსთან. „ამ პროცესებს არაფერი აქვთ საერთო სამართლიან სასამართლოსთან, იმიტომ, რომ ჩვენ არაერთგზის გვითქვამს, რომ სასამართლოები ეყრდნობიან მხოლოდ პოლიციელების ჩვენებას და უგულებელყოფენ, მათ შორის წარდგენილ სხვა ტიპის მტკიცებულებებს, მათ შორის ვიდეო-ჩანაწერებს და ა.შ. ეს პოლიციელები არიან ცრუ მოწმეები იმიტომ, რომ რეალურად ისინი არ არიან ის პოლიციელები, რომლებმაც დააკავეს მოქალაქეები და ამაზე კონკრეტული მტკიცებულებები არსებობს. ასევე, მინდა შევეხო განსაკუთრებით 5 000 - ლარიანი ჯარიმების გამოყენებას. იმ ვითარებაში, როდესაც საშუალო ხელფასი ქვეყანაში არის 1500 ლარი და სოციალური დახმარება ოჯახზე 270 ლარამდეა, 5 000 - ლარიანი სანქციების გამოყენება აქციაში მონაწილეობის გამო, ეს უტოლდება სისხლის სამართლის პასუხისმგებლობას. ეს არ არის ჩვენი სიტყვები, ეს არის სტრასბურგის სასამართლოს სტანდარტი. ამასთან, ოთხჯერ გაიზარდა ადმინისტრაციული პატიმრობის დღეების რაოდენობა. კიდევ ერთხელ ვიმეორებ, ამ ყველაფერს არაფერი არ აქვს საერთო არც სამართალთან და არც სამართლიანობასთან, არამედ ეს არის რეპრესიული, დრაკონული კანონები, რომელიც მიმართულია გამოხატვის და შეკრების თავისუფლების უფლების საერთოდ ამ ქვეყანაში გაუქმებასთან“, - განაცხადა ლომჯარიამ და დასძინა, რომ ამ დრომდე, არცერთი პოლიციელის მიერ არასათანადო მოპყრობის გამო, მათი პასუხისმგებლობა არ დამდგარა.
ტრამპის ელჩებმა რუსეთი და უკრაინა გააფრთხილეს მშვიდობის დამყარების ბოლო შესაძლებლობის ხელიდან გაშვების რისკის შესახებ
ტრამპი და რუსი ოლიგარქები დაკავშირებული არიან Deutsche Bank-ის ფულის გათეთრებასთან
აქუბარდია - გაბედეს და საკონსტიტუციო სასამართლოში რუსული ნარატივის შემცველი კითხვა დასვეს
ყიფშიძის ქუჩაზე პირი მეორე პირს ჯერ ფიზიკურად დაუპირისპირდა, შემდეგ ცივი იარაღით მოკლა, ბრალდებულიც დაჭრილია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



