დღეს უწყვეტი პროტესტის 72-ე დღეა.  

პარასკევის ტრადიციული თავისუფლების მარში დაკავებული დემონსტრანტების ოჯახის წევრები, მხარდაჭერები და რიგითი მოქალაქეები პატიმრების, სოლიდარობის ნიშნად და მათი გათავისუფლების მოთხოვნით მსვლელობას მართავენ. უცვლელი რჩება პროტესტის ასევე მთავარი მოთხოვნა დაინიშნოს ხელახალი არჩევნები.

მსვლელობა საზოგადოებრივი მაუწყებლიდან დაიძრა და რუსთაველის გამზირზე მიმდინარე უწყვეტ პროტესტს შეუერთდება. მთავარ გამზირზე შეკრებილ მოქალაქეებს შეუერთდნენ,მზია ამაღლობელის მხარდამჭერებიც, რომლებმაც მთავრობის სახლიდან პარლამენტის შენობისკენ გადმოინაცვლეს, 

"ბათუმელების" რედაქტორმა, ეთერ თურაძემ "ექსპრესნიუსთან" საუბარში აღნიშნა, რომ მზად არის შეხვდეს ირაკლი კობახიძეს და ესაუბროს მზია ამაღლობელის გათავისუფლებასთან დაკავშირებით და  სრულყოფილი ინფორმაცია მიაწოდოს მზიას ჯანმრთელობის მდგომარეობაზე.

"მე მზად ვარ, შევხვდე ირაკლი კობახიძეს და ვესაუბრო მზია ამაღლობელის გათავისუფლების შესახებ, რათა სწორედ მან გამოთქვა სურვილი რომ შეგვხვდეს. აქედან გამომდინარე ვთავაზობ მას შეხვდეს ბათუმელების რედაქციას ან თუნდაც მარტო მე და გვესაუბროს იმაზე, რას აპირებს ხელისუფლება, რადგან მზიას ჯანმრთელობის მდგომარეობა უკვე არის კრიტიკული." - განაცხადა ეთერ თურაძემ.

შეგახსენებთ, რომ მზია ამაღლობელის გათავისუფლების მოთხოვნით საპროტესტო აქცია მთავრობის სახლთან მიმდინარეობდა, ამ წუთებში კი პარლამენტის მიმდებარე ტერიტორიაზე შეკრებილ აქციის მონაწილეებს შეუერთდნენ. მოთხოვნა უცვლელია გათავისუფლდეს მზია ამაღლობელი.

ავტორი: ექსპრესნიუსი,

სოციალური ქსელები

ვოლოდიმირ ზელენსკი ერევანში ევროკავშირის სამიტზე დასასწრებად ჩავიდა

ბათუმში სასწრაფო დახმარების მანქანა 2 ქვეითად მოსიარულეს შეეჯახა

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას