|
2025-02-06 13:15:25, 555 ნახვა
სამართალი
მოსამართლე ლელა ცაგარეიშვილი - ჩემი დასანქცირების გადაწყვეტილება მიღებულია ერთ-ერთი სახელმწიფოს პოლიტიკოსების მიერ
ჩემი დასანქცირების შესახებ გადაწყვეტილება მიღებულია ერთ-ერთი სახელმწიფოს პოლიტიკოსების მიერ - სხვა ქვეყნის პოლიტიკური გადაწყვეტილებები ქართულ მართლმსაჯულებაზე გავლენას ვერ მოახდენს, - ასე მიმართა მოსამართლე ლელა ცაგარეიშვილმა ადვოკატ ელგუჯა ავსაჯანაშვილს, რომელმაც სხდომაზე აღნიშნული მოსამართლის აცილება მოითხოვა, მათ შორის იმ მიზეზით, რომ ლელა ცაგარეიშვილი სანქცირებულ მოსამართლეთა სიაშია. შესაბამისი შუამდგომლობა ადვოკატმა აქციაზე დაკავებულ რევაზ კიკნაძის სასამართლო პროცესზე გაკეთა, რომელსაც შსს 25 ნოემბერს, ხელახალი არჩევნების ჩანიშვნის მოთხოვნით გამართულ აქციაზე ჯგუფურ ძალადობაში მონაწილეობას ედავება. ადვოკატმა მოსამართლე ლელა ცაგარეიშვილის აცილება ორი მიზეზით მოითხოვა: პირველი, მოსამართლე არის სანქცირებული, მეორე - საქმის მასალები დროულად არ გადასცა, მას როგორც დაცვის მხარეს. საკუთარი თავის, როგორც მოსამართლის აცილების შუამდგომლობა ლელა ცაგარეიშვილმა დააკმაყოფილა. როგორც მან ადვოკატს სხდომაზე განუმარტა, მას დაცვის უფლება და მასალებთან წვდომის უფლება არ შეზღუდვია. რაც შეეხება მოსამართლეების სანქცირების საკითხს, რომელთა შორის თავადაც არის, ცაგარეიშვილმა ადვოკატს ასე უპასუხა: „მოცემულ შემთხვევაში სანქცირების საკითხი მოსამართლის, კონკრეტულად ჩემი დასანქცირება, რის შესახებ გადაწყვეტილება მიღებული არის ერთ-ერთი სახელმწიფოს პოლიტიკოსების მიერ, წარმოადგენს პოლიტიკურ გადაწყვეტილებას. შესაბამისად, სხვა ქვეყნის პოლიტიკური გადაწყვეტილებები ქართულ მართლმსაჯულებაზე, საქართველოში სამართლებრივ გადაწყვეტილებაზე გავლენას ვერ მოახდენს. შესაბამისად, ამ საფუძვლითაც თქვენი მოთხოვნა უსაფუძვლოა“, - განაცხადა მოსამართლე ლელა ცაგარეიშვილმა.
ჩეხეთის საელჩო – ამ მძიმე წუთებში ვიზიარებთ ქართველი ხალხის ტკივილს და მათ გვერდით ვდგავართ
საფრანგეთის საელჩო – სამძიმარს ვუცხადებთ ფონიჭალაში ტრაგიკული აფეთქების შედეგად დაღუპულთა ოჯახებსა და ახლობლებს
ბრიტანეთის საელჩო- ღრმა მწუხარებას გამოვთქვამთ ფონიჭალაში მომხდარი ტრაგედიის გამო
ნანგრევებიდან ამოყვანილი 11 წლის ბიჭის და 4 წლამდე გოგონას ჯანმრთელობის მდგომარეობა დამაკმაყოფილებელია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
ზელენსკიმ ომის დასრულების შემდეგ უკრაინაში ამერიკული და ევროპული ჯარების განლაგება შესთავაზა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



