შინაგან საქმეთა სამინისტროს ცენტრალური კრიმინალური პოლიციის დეპარტამენტის განცხადებით, ბანგკოკის ინტერპოლიდან მიღებული წერილის საფუძველზე, დაწყებულია გამოძიება ადამიანით ვაჭრობის მუხლით (სისხლის სამართლის კოდექსის 143-ე პრიმა მუხლის მე-3 ნაწილი).

საქმე ეხება 3 თებერვალს, ტაილანდურ მედიაში გავრცელებულ ინფორმაციას, რომელიც საქართველოში მოქმედ ტრეფიკინგის სქემაზე წერს.

გამოცემების ინფორმაციით, 2025 წლის 30 იანვარს წარმატებული სამაშველო ოპერაციის შედეგად, რომელსაც ტაილანდის სამეფო პოლიციის საგარეო საქმეთა განყოფილების უფროსი ახორციელებდა, ტაილანდში დაბრუნდა სამი ქალი, რომლებიც საქართველოში ე.წ. ლეგალური სუროგაციის დაპირებით ჩამოიყვანეს და ისინი ყოველთვიურად, იძულებით იყვნენ ჩართულები “კვერცხუჯრედების” მოპოვების პროცედურებში.

ტაილანური მედიის თანახმად, საქართველოში კიდევ რჩება 100-მდე ქალი, რომლებიც ტრეფიკინგის სქემის მსხვერპლები არიან.

საქართველოს შინაგან საქმეთა სამინისტრო 6 თებერვალს გავრცელებულ განცხადებაში წერს, რომ გამოძიების ფარგლებში ჩატარდა არაერთი საგამოძიებო მოქმედება, მათ შორის, დაინიშნა ექსპერტიზები და სხვადასხვა ადგილას ჩატარდა ჩხრეკა.

„გამოიკითხა 70-მდე უცხო ქვეყნის მოქალაქე, თუმცა არცერთ მათგანს გარდა 3 ტაილანდელი ქალბატონისა, რაიმე სახის პრეტენზია არ დაუფიქსირებია. გამოკითხული 3 ტაილანდელი ქალბატონი განმარტავდა, რომ აღარ სურდათ სუროგატი დედობა და საცხოვრებელ მისამართზე დარჩენა. სამართალდამცველების მიერ იმავე დღეს მოხდა სამივე ქალბატონის გადაყვანა ტრეფიკინგის მსხვერპლთა თავშესაფარში და შესაბამისი სამართლებრივი პროცედურების დასრულების შემდეგ მათ ქვეყანა დატოვეს“, - წერია განცხადებაში.

შსს-ს თანახმად, პოლიციამ, ასევე გამოიკითხა უცხო ქვეყნის 4 მოქალაქე, რომლებმაც ტაილანდის მოქალაქეები საქართველოში სუროგაციის მიზნით ჩამოიყვანეს. სამართალდამცველებმა ნივთმტკიცებად ამოიღეს მათი კუთვნილი მობილური ტელეფონები, საიდანაც გამოთხოვილი იქნა ინფორმაცია.

სისხლის სამართლის საქმეზე გამოძიება გრძელდება.

ავტორი: ექსპრესნიუსი,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს