„სადამდე აპირებს სისტემა ადამიანების წამებას, ადამიანების ცემას, ადამიანების გაუბედურებას?!“ - ამ კითხვით სასამართლო სხდომაზე ბრალდებულმა, გიგი უგულავამ სამართალდამცავებს მიმართა.

ოპოზიციონერმა პოლიტიკოსმა, გიგი უგულავამ, სასამართლო სხდომაზე, სადაც მისი საქმე განიხილება, სიტყვის უფლებით ისარგებლა და დარბაზში მყოფ პოლიციელებს მიმართა.

„მე მინდა შეკითხვა დავუსვა აქ წარმოდგენილ ყველა ადამიანს, პოლიციელს. სადამდე აპირებს სისტემა ადამიანების წამებას, ადამიანების ცემას, ადამიანების გაუბედურებას. ეს არ არის მარტო შეკითხვა, მე იმედი მაქვს, რომ როდესაც სახლში მიბრუნდებით, ამ შეკითხვას საკუთარ თავს უსვამთ, ან ოჯახის წევრები გისვამენ.

მეორე შეკითხვა, რა მიზანს ემსახურება ეს ყველაფერი. მიზანი თუ არის, რომ ჩვენ ვიყოთ იზოლირებული, მსოფლიოდან ჩამოშორებული, გაუბედურებული, ჩამორჩენილი ქვეყანა, რომელიც ემსახურება ერთი ადამიანის სრულიად გიჟურ და წარმოუდგენელ ოცნებებს. არ მგონია, ეს თქვენი შვილებისა და თქვენი ოცნება იყოს. სადამდე უნდა გაგრძელდეს, ამას ხომ უნდა ჰქონდეს ლიმიტი“ - განაცხადა გიგი უგულავამ.

ავტორი: ექსპრესნიუსი,

სოციალური ქსელები

საფრანგეთში, მოსწავლეების საპროტესტო აქციების ერთკვირიანი პერიოდის განმავლობაში, 24 ლიცეუმი დააზიანეს ან დაწვეს.

გერმანელების თითქმის ნახევარი თვლის, რომ მერკელი ქვეყნის პრობლემების მოგვარებაში მერცზე უკეთესად იმუშავებს

ცხედარი მისმა თანამესაკნემ იპოვა – პენიტენციური სამსახური გარდაცვლილ მსჯავრდებულზე

რუსთავის მე-17 პენიტენციურ დაწესებულებაში პატიმარი გარდაცვლილი იპოვეს