|
2025-02-04 14:43:56, 570 ნახვა
საზოგადოება
კახეთში ავტობანის მშენებლობაზე დასაქმებულები უხელფასობას აპროტესტებენ
საგარეჯოს მუნიციპალიტეტში ავტობანის მშენებლობაზე დასაქმებული მუშები საპროტესტო აქციას მართავენ. აქციის მონაწილეების განცხადებით, პროტესტის მიზეზი მიუღებელი ხელფასებია. „ზოგს ორი თვის აქვს მისაღები, ზოგს - სამის და ოთხის. ვერ გვეუბნებიან, როდის გაიცემა დავალიანება“, - ამბობს აქციის ერთ-ერთი მონაწილე. მისივე ინფორმაციით, ახლა ავტობანის სამშენებლო სამუშაოები შეჩერებულია. "გაფიცული ვართ დაახლოებით 200 ადამიანი - ზოგი ტექნიკაზე მუშაობს, ზოგი არმატურას ალაგებს... თითო თვის ხელფასი დაახლოებით ორი ათასი ლარია. ხან ამბობენ, ორ დღეში მოგცემთო, ხან ხუთ დღეს ამბობს, მაგრამ ასე გვატყუებენ სამი თვეა. სამუშაოებს არ დავიწყებთ, სანამ დავალიანებას არ მოგცემენ“, - უთხრა რადიო თავისუფლებას აქციის ერთ-ერთმა მონაწილემ. კახეთში ავტობანის მშენებლობა საგარეჯო-ბადიაურის მონაკვეთზე მიმდინარეობს. საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ვებსაიტზე გამოქვეყნებული ინფორმაციით, საგარეჯო-ბადიაურის 4-ზოლიან საავტომობილო გზას კომპანია Gocay Insaat Taahhut ve Ticaret Anonim Sirketi აშენებს. გზების დეპარტამენტის საზოგადოებასთან ურთიერთობის სამსახურში აცხადებენ, რომ მუშების პროტესტის საკითხს სწავლობენ და კომენტარს მოგვიანებით გააკეთებენ. საგარეჯო-ბადიაურის 17 კმ-იანი მონაკვეთის მშენებლობის პროექტი მსოფლიო ბანკის ფინანსური მხარდაჭერით ხორციელდება და მისი საერთო ღირებულება 276,7 მილიონი ლარია. სამუშაოების დასრულება 2025 წლისთვის იგეგმება.
ტრამპის ელჩებმა რუსეთი და უკრაინა გააფრთხილეს მშვიდობის დამყარების ბოლო შესაძლებლობის ხელიდან გაშვების რისკის შესახებ
ტრამპი და რუსი ოლიგარქები დაკავშირებული არიან Deutsche Bank-ის ფულის გათეთრებასთან
აქუბარდია - გაბედეს და საკონსტიტუციო სასამართლოში რუსული ნარატივის შემცველი კითხვა დასვეს
ყიფშიძის ქუჩაზე პირი მეორე პირს ჯერ ფიზიკურად დაუპირისპირდა, შემდეგ ცივი იარაღით მოკლა, ბრალდებულიც დაჭრილია
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



