გამოცემა „ბათუმელებისა“ და „ნეტგაზეთის“ დირექტორის, მზია ამაღლობელის მონახულების შემდეგ, ადვოკატმა მაია მწარიაშვილმა რუსთავის ქალთა კოლონია დატოვა. მისი თქმით, შიმშილობის მეოცე დღეს ჟურნალისტი კიდევ უფრო გამხდარია, უჭირს გადაადგილება და საუბარიც შესამჩნევად შეაფერხა.

„შეხვედრის ოთახში რომ შემოვიდა, დაჯდა და გარკვეული დრო დასჭირდა, რომ დამშვიდებულიყო, რადგან აშკარად დაღლილი იყო. ამბობს, რომ ჯერ უძლებს, არ შევწუხდეთ, და რომ როცა ვეღარ გაუძლებს, მაშინ გვეტყვის. რაიმე დახმარებას ან სამედიცინო დაწესებულებაში გადაყვანას არ ითხოვს. ვიზუალურად უფრო გამხდარია, ვიდრე ორი დღის წინ, უფრო ნელა საუბრობს და მოძრაობს. ჩვენ მივაწოდეთ 28 იანვრის სისხლის საერთო ანალიზის პასუხები, რომლებიც მანამდე არ ჰქონდა ნანახი. მომავალი კვირისთვის დაგეგმილია დამატებითი სამედიცინო კვლევები, თუმცა ჯერ არ ვიცით, კონკრეტულად რა გამოკვლევებს ჩაუტარებენ. ამის შესახებ ორშაბათს გავიგებთ“, – განაცხადა მაია მწარიაშვილმა.

მიუხედავად ჯანმრთელობის მდგომარეობის გაუარესებისა, მზია ამაღლობელი უკვე 20-ე დღეა შიმშილობს.

„დემოკრატია არ არის საჩუქარი. ჩვენმა საზოგადოებამ ეს ყველაზე კარგად იცის და ეს გამოჩნდა ახლაც. შიმშილობა რომ შევწყვიტო, ჩავთვლი, რომ თანაზიარი ვარ ამ უსამართლობის,“ – განაცხადა მან.

ავტორი: ექსპრესნიუსი,

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა