2025-01-31 17:17:18, 606 ნახვა
საზოგადოება
აქცია ზუგდიდში - საბავშვო ბაღის თანამშრომლები ხელშეკრულების ვადებს აპროტესტებენ
ზუგდიდის მუნიციპალიტეტის სოფელ ინგირში საბავშვო ბაღის თანამშრომლებისა და მშობლების ნაწილი აპროტესტებს გადაწყვეტილებას, რომლის მიხედვითაც 9 თანამშრომელს ხელშეკრულება მხოლოდ ერთი თვით გაუგრძელდა.
მათი თქმით, მერიის ეს ნაბიჯი შესაძლოა მათ პოლიტიკურ პოზიციასა და აქტივობას უკავშირდებოდეს, რაც ხშირად პროევროპულ აქციებში მონაწილეობით გამოიხატება.
დღეს, ბაღების გაერთიანების ერთ-ერთ თანამშრომელს ტერიტორია დაატოვებინეს, თუმცა აქციის მონაწილეები აცხადებენ, რომ სააღმზრდელო დაწესებულების დათმობას არ აპირებენ.
ადგილზე მობილიზებული იყვნენ სამართალდამცავებიც.
ავტორი: ექსპრესნიუსი,
epn.ge (@expressnews.ge)
