სამხრეთ სუდანში ნავთობის საბადო იუნიტიდან გაფრენისას ავარია განიცადა სამგზავრო თვითმფრინავმა. მასში 21 ადამიანი იმყოფებოდა, 18 მათგანი დაიღუპა. ამის შესახებ Reuters იტყობინება რადიო Miraya-ზე დაყრდნობით, რომელიც სამხრეთ სუდანში გაერთიანებულ ერების ორგანიზაციის მისიის მიერ იმართება.

Miraya-ს ცნობით, დაღუპულთა შორის არიან მფრინავი და მეორე მფრინავი. ავარიის დეტალებს არ იტყობინებიან. როგორც Reuters-ი წერს, ინფორმაციის მინისტრმა მაიკლ მაკუეიმ არ უპასუხა თხოვნას, კომენტარი გაეკეთებინა ვითარების შესახებ.

უკანასკნელ წლებში სამხრეთ სუდანში რამდენიმე ავიაკატასტროფა მოხდა. 2018 წლის სექტემბერში მინიმუმ 19 ადამიანი დაიღუპა მცირე ზომის თვითმფრინავის ჩამოვარდნის შედეგად. ის ჯუბიდან ქალაქ იიროლში მიემართებოდა.

2015 წლის ნოემბერში 41 ადამიანი დაიღუპა, როცა რუსულმა თვითმფრინავმა ან-12-მა, რომელშიც მგზავრები იმყოფებოდნენ, ჯუბიდან აფრენის შემდეგ ცოტა ხანში ავარია განიცადა ასაფრენი ბილიკიდან 800 მეტრში.

ავტორი: ექსპრესნიუსი,

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა