იტალიურ გაზეთ Il Foglio-სთან ინტერვიუში უკრაინის პრეზიდენტმა, ვოლოდიმირ ზელენსკიმ, განაცხადა, რომ 30 წლის წინ ბირთვულ იარაღზე უარის თქმა უკრაინის შეცდომა იყო.

ზელენსკიმ აღნიშნულ გადაწყვეტილებას “სულელური და უპასუხისმგებლო” უწოდა, რადგან, მისი თქმით, “სიტუაცია მოგვიანებით შეიცვალა.”

პრეზიდენტის თქმით, 2014 წელს, როცა რუსეთმა ყირიმი, დონეცკი და ლუჰანსკი ოკუპაცია მოახდინა, კიევმა უსაფრთხოების გარანტიების უზრუნველსაყოფად საერთაშორისო პარტნიორებს მიმართა, თუმცა მათ რეაგირება არ ჰქონიათ.

ზელენსკის განცხადებით, უკრაინისთვის უკეთესი იქნებოდა უსაფრთხოების გარანტიები ნატოსგან მიეღო და არა ცალკეული ქვეყნებისგან.

 “ბირთვულ იარაღს მე რაღაც ნამდვილად ძლიერში გავცვლიდი – ისეთ ძალაში, რომელსაც ნებისმიერი აგრესორის შეჩერება შეუძლია, განურჩევლად მისი ზომისა, ტერიტორიისა თუ არმიის სიმძლავრისა. და ეს არის ძლიერი არმია და ნატოს უსაფრთხოების ბლოკი.” – აღნიშნა ზელენსკიმ.

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო