უკრაინის სახალხო დამცველის, დმიტრო ლუბინეცის ინფორმაციით, რუსეთის მიერ დროებით ოკუპირებული ტერიტორიებიდან უკრაინის კონტროლირებულ ტერიტორიაზე კიდევ 5 ბავშვი დააბრუნეს. ბავშვები ლუგანსკის, დონეცკისა და ხერსონის რეგიონებიდან არიან, რომელთა შორის ყველაზე უმცროსი 1.5 წლისაა.

ლუბინეცის თქმით, ტყვეობიდან გათავისუფლებულმა სამხედრო მოსამსახურემ ომბუდსმენის ოფისს სთხოვა დახმარება თავისი შვილის დაბრუნებაში, რომელიც ამჟამად დედასთან ერთად იმყოფება.

აღსანიშნავია, რომ 2024 წლის ივლისში უკრაინამ ოკუპირებული ტერიტორიებიდან 12 ბავშვი ოჯახებთან ერთად დააბრუნა. ოჯახების თქმით, ოკუპანტები მათ აიძულებდნენ რუსული პასპორტების აღებას და ბავშვებს ავალდებულებდნენ რუსულ სკოლებში სიარულს, სადაც ომის შესახებ პროპაგანდას ეწეოდნენ. ასევე, ექიმები არ უზრუნველყოფდნენ განსაკუთრებულ ზრუნვას  ბავშვების და მშობლებს მოუწოდებდნენ შვილები “რეაბილიტაციაზე” გაეგზავნათ, რაც ხშირად მათ დეპორტაციას გულისხმობდა.

2024 წლის აგვისტოში ორგანიზაცია Save Ukraine-მ განაცხადა, რომ ხერსონის, ზაპოროჟიესა და ლუგანსკის რეგიონების დროებით ოკუპირებული ტერიტორიებიდან კიდევ 23 ბავშვი დააბრუნეს. ორგანიზაციის ინფორმაციით, ომის დაწყებიდან მათ 446 ბავშვის დაბრუნება მოახერხეს.

უკრაინის ხელისუფლების ოფიციალური მონაცემებით, 2022 წლის 24 თებერვლიდან 2024 წლის თებერვლის ბოლომდე უკრაინიდან რუსეთში 19,546 ბავშვი იქნა დეპორტირებული. რუსული მხარე ამტკიცებს, რომ 700,000 ბავშვი წაიყვანეს. 2023 წელს სისხლის სამართლის საერთაშორისო სასამართლომ რუსეთის პრეზიდენტ ვლადიმირ პუტინისა და ბავშვთა უფლებების კომისრის, მარია ლვოვა-ბელოვას, დაპატიმრების ორდერი გასცა უკრაინიდან ბავშვების უკანონო დეპორტაციის საქმეზე.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს