რეჟისორ დათა თავაძის ინფორმაციით, ადვოკატმა თქვა, რომ რეჟისორი გურამ მაცხონაშვილზე განყოფილებაში სასტიკად იძალადეს.

"ადვოკატის თქმით, რეჟისორ გურამ მაცხონაშვილზე სასტიკად იძალადეს განყოფილებაში, ურტყეს კეფაში.

შეგახსენებთ, რომ გურამ მაცხონაშვილი დააკავეს პირბადის ტარების გამო.

მაცხონაშვილმა სოლიდარობა გამოხატა ამავე მიზეზით ზუგდიდში დაკავებული აქტივისტების მიმართ", - წერს თავაძე.

დაკავებულები მოინახულა „სოციალური სამართლიანობის ცენტრის“ იურისტმა მარიამ პატარიძემ. ორგანიზაციის დირექტორი თამთა მიქელაძე მასზე დაყრდნობით იუწყება, რომ:

• „დაკავებულების თქმით, პოლიციის განყოფილებაში აგრესიულობით გამოირჩეოდა ერთი სამოქალაქო ფორმაში ჩაცმული ადამიანი, რომელმაც საკუთარი თავი არ წარუდგინა მათ. ის აქტიურად ცდილობდა აქტივისტების ტელეფონების დათვალიერებას. სწორედ ამ პროცესში არ იჯერებდნენ, რომ გურამ მაცხონაშვილს საერთოდ არ ჰქონდა ტელეფონი თან და ამის გამო კეფაში რამდენჯერმე ჩაარტყეს. ეს ყველაფერი პოლიციის განყოფილებაში ხდებოდა. მანამდე პოლიციის განყოფილებაში შეყვანის დროს სონა კალანდაძეს აგინებს და თმით მოქაჩეს. თმით მოქაჩეს მარიამ პაიჭაძეც; პოლიცია თავს არ იკავებდა დაკავებულების დაშეიმებისგან და პროტესტში ჩართულობის აბსურდულობაზე უთითებდა. აინტერესებდათ ტატუების მნიშვნელობა და გამოხატავდნენ ირონიას“.

 

მაცხონაშვილი გუშინ, 18 იანვარს, თემქის განყოფილებასთან დააკავეს.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.