თბილისის საქალაქო სასამართლოში, ამ წუთებში, ბიზნესმენი გიორგი ოკმელაშვილის სასამართლო პროცესი მიმდინარეობს.  საქმეს მოსამართლე გიორგი გელაშვილი განიხილავს,  დღევანდელ პროცესზე მხარეებმა საბოლოო სიტყვით უნდა ისარგებლონ. თავად ბრალდებული, გიორგი ოკმელაშვილი, პირადად მიმართავს სასამართლოს.

გიორგი ოკმელაშვილს პროკურატურა პოლიციელზე თავდასხმას ედავება, თუმცა ადვოკატების განცხადებით, საქმეში არ არსებობს ამის დამადასტურებელი მტკიცებულებები. ადვოკატები განმარტავენ, რომ ბრალდების მხარემ წარმოადგინა შაბლონური მტკიცებულებები, რომლებიც პოლიციელის გამოკითხვის ოქმებს მოიცავს და ფაქტობრივად დაკოპირებულია, ხოლო ეს ოქმები წინააღმდეგობაში მოდის ბრალდების მხარის მიერ წარმოდგენილ ვიდეოჩანაწერთან. ვიდეოჩანაწერში ჩანს, რომ ის ადამიანები, რომლებიც გამოკითხვის ოქმებში მიუთითებენ ხელის მოქნევის ფაქტს, ვიდეოში ფიზიკურად ვერ ხედავდნენ ამ მომენტს.

„ჩვენ, როგორც სხდომების დასაწყისში განვუცხადეთ საზოგადოებას, გიორგი ოკმელაშვილმა გააკეთა განცხადება, რომ მოქმედებდა აუცილებელი თავდაცვისა და დახმარების მიზნით. მას მოუწია პოლიციელს წინააღმდეგობა გაეწია, რათა არ მომხდარიყო მშვიდობიანი დემონსტრანტების ცემა-ტყეპა და დაკავება“, – განაცხადა ადვოკატმა.

გიორგი ოკმელაშვილი შსს-მ 15 მაისს დააკავა 14 მაისის აქციაზე პოლიციელის ფიზიკური შეურაცხყოფის ბრალდებით. 17 მაისს სასამართლომ მას პატიმრობა შეუფარდა. შსს-ს 15 მაისის განცხადების მიხედვით, გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს, რაც პოლიციელზე თავდასხმას გულისხმობს. გარდა ამისა, საქმეს დაემატა ბრალი, რომელიც მცირე ოდენობით ნარკოტიკული ნივთიერების შეძენა-შენახვას გულისხმობს.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.