ბათუმის საქალაქო სასამართლოში „ბათუმელებისა“ და „ნეტგაზეთის“ დამფუძნებლის, მზია ამაღლობელის პატიმრობის შეფარდებას ხმაური და პროტესტი მოჰყვა.

სასამართლო დარბაზში მყოფი ჟურნალისტები და მხარდამჭერები მოსამართლესა და პროკურორებს შეურაცხმყოფელი სიტყვებით მიმართავდნენ, მათ შორის: „ივანიშვილის მონებო“, „რუსები ხართ“, „შეგრცხვეთ, ჟურნალისტებს რომ ციხეში უშვებთ“.

მოსამართლე ნინო სახელაშვილმა პროკურატურის შუამდგომლობა დააკმაყოფილა და მზია ამაღლობელს აღკვეთის ღონისძიების სახით პატიმრობა შეუფარდა. დაცვის მხარემ გირაოს სახით 100 ათასი ლარის გამოყენება მოითხოვა, თუმცა ეს მოთხოვნა არ დაკმაყოფილდა.

პროცესზე სიტყვით თავად ბრალდებულმა ისარგებლა და განაცხადა, რომ პასუხისმგებლობას არ გაურბის.

მზია ამაღლობელს ბრალი წარდგენილი აქვს საქართველოს სისხლის სამართლის კოდექსის 353-ე პრიმა მუხლით, რაც პოლიციელზე თავდასხმას გულისხმობს.

ჟურნალისტი თავდაპირველად ბათუმში, პოლიციის მთავარ სამმართველოსთან საპროტესტო აქციის დროს ადმინისტრაციული წესით დააკავეს. გათავისუფლებიდან რამდენიმე წუთში, იგი კვლავ დააკავეს პოლიციის დეპარტამენტთან მომხდარი ინციდენტის შემდეგ.

მომდევნო სასამართლო სხდომა 4 მარტს გაიმართება.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.