Tbc ბანკი განცხადებას ავრცელებს, რითაც ეხმაურება სამსაათიან საყოველთაო გამაფრთხილებელ გაფიცვას და აღნიშნავს, რომ ბანკი იცავს მათი გუნდის წევრების გამოხატვის თავისუფლებას. განცხადებაში ასევე ნათქვამია, რომ მათთვის საბანკო სერვისების მიწოდება უპირველესი პასუხისმგებლობაა.

"თიბისი, როგორც ლონდონის საფონდო ბირჟაზე რეგისტრირებული საერთაშორისო კომპანია, პატივს სცემს და განუხრელად იცავს მისი გუნდის წევრების კონსტიტუციით გარანტირებულ უფლებებსა და თავისუფლებებს, მათ შორის, გამოხატვის თავისუფლებას.

საბანკო სერვისების შეუფერხებლად მიწოდება კრიტიკულად მნიშვნელოვანია საზოგადოების თითოეული წევრისთვის, რისი უზრუნველყოფაც ჩვენი, როგორც ფინანსური ინსტიტუტის უპირველესი პასუხისმგებლობაა.

თიბისი ყოველთვის იყო და რჩება საქართველოს ევროპული და ევროატლანტიკური ინტეგრაციის უპირობო მხარდამჭერი", — ნათქვამია განცხადებაში.

ცნობისთვის, დღეს, პროევროპულ აქციაზე დაკავებული ანდრო ჭიჭინაძის დედა ლიკა გუნცაძე და პროტესტში ჩართული აქტივისტები [პაატა ციკოლია, კახა კინწურაშვილი, ელენე ქაიხოსროშვილი, ლაშა ბუღაძე, რატი ამაღლობელი] თიბისი ბანკის გენერალურ დირექტორს ვახტანგ ბუცხრიკიძეს შეხვდნენ და როგორც ირკვევა, მიიღეს პირობა, რომ პრობლემები არ შეექმნებათ ბანკების თანამშრომლებს, რომელთაც სურვილი ექნებათ, მონაწილეობა მიიღოს საყოველთაო გაფიცვაში.

საყოველთაო გაფიცვა 15 იანვარს 15:00 საათიდან 18:00 საათამდე იგეგმება.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა