დემოკრატი სენატორი სტივ კოენი ფიქრობს, რომ აშშ-მ საქართველოსთან ურთიერთობები იმ დრომდე უნდა შეაჩეროს, ვიდრე ახალი არჩევნები არ ჩატარდება. ამის შესახებ ის "ამერიკის ხმასთან" ინტერვიუში საუბრობს.

ამერიკელი კონგრესმენი პირდაპირ ამბობს, რომ ყველა, ვინც კორუფციასა და ქვეყნისთვის სუვერენიტეტის ძირის გამოთხრაშია მხილებული, უნდა დასანქცირდეს. ამასთან, კოენი ხაზს უსვამს, რომ მთავარი პასუხისმგებლობა ივანიშვილზეა, რადგან სწორედ ის მართავს რეალურად ქვეყანას. სენატორის თქმით, ივანიშვილს ქართველ ხალხს დასავლეთს აშორებს და რუსეთს აახლოებს, სადაც "მისი გული და ფულია". 

ვფიქრობ, იქნება დამატებითი სანქციები და სანქციების საკითხი განიხილება იმ სხვა ოფიციალური პირების მიმართაც, ვინც ჩართუია დემოკრატიის საზიანო მოქმედებებში. ჩვენ ადმინისტრაციის მუშაობის მიწურულში ვართ და ვფიქრობ, მათ სურდათ ივანიშვილის მიზანში ამოღება, რადგან ისაა ამ ყველაფრის თავი. მნიშვნელოვანი იყო მისით დაწყება, ისაა ყველაზე გავლენიანი პირი მთელ მთავრობაში მიუხედავად იმისა, რომ ოფიციალური პოზიცია არ უკავია. ისაა ტახტის უკან მდგომი ძალა, ის აკონტროლებს ყველაფერს. სხვა ადამიანების დრო შეიძლება, მოგვიანებით დადგეს. ყველა, ვინც კორუფციაში ან საქართველოს სუვერენიტეტის ძირის გამოთხრაშია მხილებული, დასანქცირდება. საჭიროა, შევაჩეროთ ურთიერთობა მანამ, სანამ ჩატარდება ახალი არჩევნები და იქნება პარლამენტი, რომელიც მთელ ქართველ ხალხს და განსხვავებულ პარტიებს წარმოადგენს. ამჟამად ეს მხოლოდ ივანიშვილის პარტიაა, ეს ივანიშვილის ხალხია. მას ქართველი ხალხი დასავლეთისგან შორს მიჰყავს. იქიდან, სადაც ვფიქრობ, მას სურს, რომ იყოს. მიჰყავს რუსეთთან უფრო ახლოს, სადაც მისი გული და მისი ფულია. ესაა მისი მიმართულება. ახლა ძალიან რთულია აშშ-თვის იმ მთავრობის ლეგიტიმურობის აღიარება, რომელიც გაყალბებულ არჩევნებს ეფუძნება. გვაქვს კიდევ ერთი აქტი, რომელიც ქართული რეჟიმის არაღიარებას გულისხმობს იმ ფაქტის გამო, რომ არჩევნები არ იყო სათანადო და სამართლიანი, - ამბობს კოენი. 

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია