მსახიობ ანდრო ჭიჭინაძის მამამ სასამართლო პროცესის დასრულების შემდეგ გააკეთა განცხადება, რომელშიც აღნიშნა, რომ მთელი პროცესი იყო „პროცესი პროცესისთვის“, და რომ სასამართლო გადაწყვეტილება, რომელიც 11 დაკავებულს კვლავ პატიმრობაში ტოვებს, არ იყო სამართლიანი.

„თავიდანვე ვიცოდით, რომ გამოტანილი იყო ის, რაც ორ თვიან საკითხს ეხებოდა. ქაღალდზე ყველაფერი გაწერილი იყო და გადაწყვეტილება გასაჩივრებას არ ექვემდებარება. როგორც გავიგეთ, ეს იყო პროცესი პროცესისთვის – იმის საჩვენებლად, თითქოს რაღაც კეთდება. გაირკვა, რომ შესაძლებელია აქვე, ადგილზევე, რაღაც გაკეთდეს, მაგალითად, გირაოთი გათავისუფლება. მაგრამ რომელ გირაოზეა საუბარი, როდესაც არანაირ ქმედებას არ აპირებენ? ბოლოს ერთი რამ მინდა ვთქვა: გარკვეული ილუზია შემექმნა, თითქოს რაღაც შეცვლას ელოდა – დრო ძალიან გაიწელა, და მეჩვენებოდა, რომ შესაძლოა რაღაც ჩვენს სასიკეთოდ მოხდებოდა. თუმცა, ვფიქრობ, თუ რაღაც მართლა იცვლებოდა ჩვენს სასარგებლოდ, ვიღაცამ ჩაერია და ყველაფერი ისე გადაწყდა, როგორც “საჭიროდ” მიიჩნიეს, და არა როგორც სამართლიანობა მოითხოვს, ეს ჩემი აზრია.“ - განაცხადა მსახიობის მამამ.

შეგახსენებთ, რომ მსახიობი ანდრო ჭიჭინაძე და კიდევ 10 ადამიანი ჯგუფურ ძალადობაში მონაწილეობის ბრალდებით არიან დაკავებულები, და მოსამართლე ქეთევან ჯაჭვაძის გადაწყვეტილებით ისინი კვლავ პატიმრობაში რჩებიან.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.