თბილისის საქალაქო სასამართლოსთან, სადაც ცოტა ხნის წინ მოსამართლე ქეთევან ჯაჭვაძემ 11 პირის პატიმრობაში დატოვების გადაწყვეტილება მიიღო, პოლიციასა და მოქალაქეებს შორის შელაპარაკება მოხდა. მათ შორის იყვნენ ბრალდებულების მეგობრები და მსახიობები, რომლებიც აქტიურად აპროტესტებდნენ სასამართლოს გადაწყვეტილებას.

მსახიობები უკმაყოფილებას გამოთქვავდნენ და მოსამართლის გადაწყვეტილებას ღიად აპროტესტებდნენ, მათ შორის ნანკა კალატოზიშვილი, გიგა დათიაშვილი და ირაკლი კვირიკაძე, მათი თქმით დღევანდელი სასამართლო პროცესი იყო ცირკი და არავის ქონდა იმედი სამართლიანი გადაწყვეტილების. ასევე პოლიციელების დამოკიდებულებაზე ამახვილებდნენ ყურადღებას და ამბობდნენ რომ სამართალდამცავები უბრალოდ იდგნენ და იცინოდნენ.

"აღელვებული ხალხი, რომელიც გამოვიდა და თავის პროტესტს გამოხატავდა, რამდენიმე პოლიციელი იდგა და იცინოდა. რომ მივედი და ვკითხე, რა გაცინებთ-მეთქი, ამაზე უფრო იცინოდნენ. ეს იყო შელაპარაკების მიზეზი პოლიციასთან. ერთ-ერთ პოლიციელს, რომელსაც ვუხსნიდი, რომ თქვენ ჩემი პოლიცია ხართ და თქვენი იმედი უნდა მქონდეს, თუ არ უნდა მქონდეს-მეთქი, ამ პოლიციელმა მიპასუხა, თქვენ არ უნდა გქონდეთ ჩემი იმედიო. რომ ჩავეკითხე, ესე იგი, არ უნდა მქონდეს თქვენი იმედი-მეთქი, რა გინდა ბიჭო, წადი აქედანო", - ამბობს გიგა დათიაშვილი." - ამბობს გიგა დათიაშვილი.

მსახიობი ირაკლი კვირიკაძე, რომელიც ასევე გამოხატავდა უკმაყოფილებას სასამართლოს მიერ მიღებული გადაწყვეტილების მიმართ, აცხადებს, რომ ეს იყო დადგმული ცირკი. "ყველამ ვიცით, რომ არც არაფერი განუხილავს და არც არაფერი გაუსამართლებია, ეს არის პირდაპირი ბრძანება. მთელი პროცესის განმავლობაში იცოდა წინასწარი პასუხი და ეს პასუხი მივიღეთ. სასაცილოა ეს ყველაფერი, ეს არის ცირკი, თამაში, რომელსაც სამართალთან არანაირი კავშირი არ აქვს“, - განაცხადა ირაკლი კვირკაძემ.  

როგორც მსახიობმა ნანკა კალატოზიშვილმა აღნიშნა იმედი იმისა, რომ სამართლიან გადაწყვეტილებას მიიღებდა მოსამართლე  არავის ქონდა.

"მოსამართლეს ვუსურვებ, რომ საბრალდებო სკამზე აღმოჩნდეს. ამას ვუსურვებ ყველა იმ მოსამართლეს, რომელიც ამ დასპოილერებულ სპექტაკლში იღებს მონაწილეობას. სამარცხვინო, მე დიდად იმედი არ მქონდა, რომ სამართლიან გადაწყვეტილებას მიიღებდა, იმიტომ რომ სამართლიანი სასამართლოს პირობებში, ეს ადამიანები საერთოდ აქ არ აღმოჩდებოდნენ, ამიტომ, იმედი მაქვს, მოვა დრო, როცა ყველა ერთად გასამართლდება",  - ამბობს ნანკა კალატოზიშვილი.

შეგახსენებთ, 11 დაკავებულს პროკურატურა ჯგუფურ ძალადობაში მონაწილეობას ედავება. აქციის მონაწილეები, რომელთა შორისაც მსახიობებიც იყვნენ, აცხადებენ, რომ ეს ბრალდებები პოლიტიკურად მოტივირებულია და მასთან დაკავშირებული გადაწყვეტილებები ძალადობრივ რეჟიმთან ასოცირდება.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.