მსახიობ ანდრო ჭიჭინაძის ადვოკატის, თორნიკე მიგინეიშვილის თქმით, იმ შემთხვევაში თუ მისი დაცვის ქვეშ მყოფი აღკვეთის გარეშე სასამართლო დარბაზიდან არ გათავისუფლდება, სასამართლოს შესთავაზებენ გირაოს სანაცვლოს გათავისუფლებაზე მსჯელობასაც.

თუმცა, ამასთანავე ადვოკატი აცხადებს, რომ სასამართლო პროცესის ნაცვლად "კიდევ ერთი დიდი სპექტაკლის" მოლოდინი აქვს.

"სავარაუდოდ, პროკურატურას ექნება შუამდგომლობა, რომ აღკვეთი ღონისძიების სახით დარჩეს ისევ პატიმრობა, რაც იქნება, რა თქმა უნდა, სრულიად დაუსაბუთებელი და სრული აბსურდი, როგორც ფაქტობრივი, ასევე სამართლებრივი გარემოებების გათვალისწინებით. ჩვენ ვხედავთ უკვე თვეზე მეტია გასული და არც ერთი საგამოძიებო მოქმედება არ აქვს ჩატარებული პროკურატურას და არც ერთი მტკიცებულება არ დევს საქმეში იმისა, რომ არათუ რაიმე ბრალეულობა არის სახეზე, არამედ რაიმე ეჭვი მაინც გაჩნდეს, რომ შესაძლოა ამ ადამიანებს, კონკრეტულად ანდრო ჭიჭინაძეს, რაიმე ისეთი სახის მოქმედება ჰქონდეს გაკეთებული, რის გამოც ციხეში უნდა იყოს.

რა თქმა უნდა, ჩვენ ვაყენებთ ერთადერთ მოთხოვნას, რომ სასამართლო დარბაზიდან გათავისუფლდეს ანდრო ჭიჭინაძე, ვინაიდან არ არის არანაირი საფუძველი იმისა, რომ პატიმრობა გაგრძელდეს. თუმცა, სავარაუდოდ, შევთავაზებთ სასამართლოს, რომ გირაოს სახითაც... თავად განსაზღვროს გირაოს ოდენობაც და თუ ჩვენი პირველი მოთხოვნა, რომ დაუყოვნებლივ გათავისუფლდეს დარბაზიდან აღკვეთის გარეშე არ დაკმაყოფილდება, შემდეგ უკვე იმსჯელოს გირაოს ნაწილზეც. რაც შეეხება მოლოდინებს, სამართლებრივი და ფაქტობრივი მოცემულობებით, რა თქმა უნდა უნდა, გათავისუფლდეს, თუმცა იმის გამო, რომ ეს იქნება კიდევ ერთი დიდი სპექტაკლი, რომლის მთავარი მონაწილე ინელება ანდრო ჭიჭინაძე, ვარაუდის და დაშვების საფუძვლებს მაინც გვაძლევს გარეთ განვითარებული მოვლენები და ის, რომ ეს საქმე არ დაწყებულა სამართლებრივი ინტერესით, მთავარი ინტერესი პოლიტიკურია და მთავარი ინტერესია, რომ ანდრო როგორც სამაგალითო პიროვნება სამაგალითო დაისაჯოს." - ამბობს ჭიჭინაძის ადვოკატი.

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს