საქართველოს იუსტიციის უმაღლესი საბჭო უვადო მოსამართლის შესარჩევ კონკურსს აცხადებს. განცხადებების მიღება 10 იანვრიდან იწყება. კონკურსი შეეხება უზენაეს სასამართლოში ერთ-ერთი მოსამართლის ვაკანტურ თანამდებობას, რომელიც 2025 წლის 1 სექტემბერს თავისუფლდება. აღნიშნული თანამდებობა თავისუფლდება ნუგზარ სხირტლაძის საპენსიო ასაკის მიღწევის გამო.

კონკურსის გამოცხადების შესახებ განკარგულება 2024 წლის ბოლო სამუშაო დღეს, 31 დეკემბერს, გამოსცა იუსტიციის უმაღლესი საბჭოს მდივანმა, ნიკოლოზ მარსაგიშვილმა.

ყოფილი მოსამართლეები და იურისტები აცხადებენ, რომ ამ კონკურსის შედეგები შეიძლება სამართლებრივ და პოლიტიკურ პრობლემებს გამოიწვიოს. საქართველოს საკონსტიტუციო სასამართლოს ყოფილი მოსამართლე, მაია კოპალეიშვილი, აცხადებს, რომ თუ ახალი კანდიდატები არალეგიტიმურ პარლამენტში აირჩევიან, ისინი არალეგიტიმური იქნებიან და მათი საქმიანობა ვერ იქნება კანონის შესაბამისად.

"ყველა ის მოსამართლე იქნება არალეგიტიმური, თავისი საქმიანობის განხორციელებისას, რამეთუ, არალეგიტიმური ორგანოს მიერ იქნება არჩეული. რომც აირჩიოს "ქართული ოცნების" პირთა ჯგუფმა, რომლებიც პარლამენტში არიან მოკალათებულები, და ხელისუფლება აქვთ მითვისებული, ვის წინაშე აპირებენ ამ ადამიანებმა ფიცი დადონ? შეასრულონ თავისი სამოსამართლეო უფლება-მოსილება, როდესაც მათი არცევის საფუძველი არალეგიტიმური იქნება"- განაცხადა კოპალეიშვილი.

იურისტი კახა წიქარიშვილი კი აღნიშნავს, რომ აღნიშნული კონკურსის შედეგად სასამართლოში შესაძლოა კიდევ უფრო ოდიოზური ფიგურები აირჩიონ, რადგან პარლამენტში კრიტიკული კითხვების დასმის შესაძლებლობა თითქმის აღარ არსებობს.

"ამ კონკურსის შედეგად, ჩვენ შეიძლება კიდევ უფრო ოდიოზური ფიგურები მივიღოთ, წინა ხელისუფლების დროს დავალების შემსრულებელი მოსამართლეების სახით, რომლებიც ახლა კლანის დავალებებს ასრულებენ. ვინაიდან პარლამენტში კრიტიკული კითხვის დამსმელი აღარავინ არის, კლანს იმის შიში არ აქვს, რომ კანდიდატის ლუსტრაცია მოხდება, შესაბამისად ისინი არ მოერიდებიან ყველაზე ოდიოზური ფიგურების კიდევ უფრო წინ წამოწევას.” – განაცხადა წიქარიშვილი.

ამასთან, კონკურსი ასევე შეეხება შალვა თადუმაძის თანამდებობის დაცლას, რომელიც ახლახან შინაგან საქმეთა მინისტრის მოადგილე გახდა.

ამ პროცესის ლეგიტიმურობა და სასამართლოს დამოუკიდებლობის საკითხი კვლავ აქტუალურია და შეიძლება დამატებითი დაპირისპირებები გამოიწვიოს.

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს