კაპიტალის ბაზრის სპეციალისტი მარინა გულედანი მიიჩნევს, რომ ქვეყანაში არსებული პოლიტიკური კრიზისის და იზოლაციის მძიმე ეკონომიკური ეფექტები კიდევ უფრო საგრძნობი მომდევნო თვეებში გახდება. მან ამის შესახებ BMGTV-ის გადაცემა „საქმიან დილაში“ განაცხადა.

„ნოემბრის ბოლოს, დეკემბერში რაც მოხდა რიცხვებში ჯერ არ ვიცით და კიდევ უფრო მძიმე იქნება ის, რაც მოხდება მომდევნო თვეებში. ეს ძალიან თვალსაჩინოა, ახლა უკვე მოსახლეობა ამას თავის თავზე გრძნობს. მცირე და საშუალო ბიზნესი ცალსახად გრძნობს და უშუალოდ ოჯახები კიდევ უფრო მწვავედ იგრძნობენ შემდეგ თვეებში. ზოგადი რეზიუმე ისაა, რომ ძალიან უარყოფითი ეფექტი ექნება იზოლაციას, რომელიც ამ პოლიტიკურ კრიზისს მოჰყვა და რომელიც არაფრით არ დეესკალირდა პოლიტიკური გადაწყვეტილებების ფონზე, მიმდინარე დე ფაქტო ხელისუფლების პირობებში...

რაც უფრო დამძიმდება სიტუაცია და რაც უფრო დიდხანს არ გვეცოდინება, რომელ პოლიტიკას მივყვებით, იზოლაციას და დასავლური ვექტორიდან ჩამოშორებას თუ პირიქით, ვუბრუნდებით დემოკრატიულ ჩარჩოებს და ახალი არჩევნები ინიშნება, ამასთან პირდაპირ და ფუნდამენტურადაა დაკავშირებული ის, თუ როგორ შეიძლება გადარჩეს ჩვენი ეკონომიკა. დღევანდელი პერსპექტივიდან ეს გაურკვეველია და გაურკვევლობა ცალკე, როგორც ფაქტორი, მუშაობს ყველა მაკროეკონომიკურ პარამეტრზე, მონეტარული პოლიტიკის გადაწყვეტილებებზე, ლარის კურსზე, აბსოლუტურად ყველაფერს გადაეცემა. სამწუხაროდ, სანამ მთავარი პრობლემა არ დარეგულირდება და დეესკალაცია არ მოხდება, მანამდე არაფერი გვეცოდინება და არანაირი პროგნოზი ჩემთვის პროგნოზი არაა“,- ამბობს კაპიტალის ბაზრის სპეციალისტი.

ავტორი: ექსპრესნიუსი,

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა