2024-12-18 16:33:49, 627 ნახვა
სამართალი
შსს-მ გიორგი ვაშაძეზე თავდასხმის ფაქტზე გამოძიება დაიწყო
შინაგან საქმეთა სამინისტრომ „ერთიანობა - ნაციონალური მოძრაობის“ ერთ-ერთ ლიდერზე, გიორგი ვაშაძეზე განხორციელებულ თავდასხმასთან დაკავშირებით გამოძიება დაიწყო.
ამის შესახებ „ექსპრესნიუსს“ შსს-ში განუცხადეს.
როგორც უწყებაში ამბობენ, გამოძიება საქართველოს სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.
შეგახსენებთ, „ერთიანობა -ნაციონალური მოძრაობის“ ერთ-ერთ ლიდერ გიორგი ვაშაძეს თავს გუშინ, 17 დეკემბერს თბილისში, პარლამენტთან მიმდინარე საპროტესტო აქციაზე დაესხნენ.
ავტორი: ექსპრესნიუსი,
epn.ge (@expressnews.ge)
