|
2024-12-17 11:38:07, 413 ნახვა
საზოგადოება
2024 წელს სამგორის რაიონში 58 რეკრეაციული სივრცე და 12 სპორტული მოედანი მოეწყო
სამგორის რაიონის გამგებელმა, კახა სამხარაძემ საზოგადოებას გამგეობის მიერ ერთი წლის განმავლობაში შესრულებული საქმიანობის ანგარიში წარუდგინა. ამის შესახებ ინფორმაციას თბილისისი მერია ავრცელებს. მერიის ცნობით, მიმდინარე წლის განმავლობაში რაიონში მნიშვნელოვანი ინფრასტრუქტურული პროექტები განხორციელდა. მათ შორის, საგზაო ინფრასტრუქტურა 149 226 კვ.მ ფართობზე მოწესრიგდა. „ასფალტის საფარი დაიგო ისეთ ქუჩებზე, სადაც საგზაო ინფრასტრუქტურა ათწლეულების განმავლობაში არ რეაბილიტირებულა. მიწისქვეშა კომუნიკაციები 11 მისამართზე მოეწყო, ხოლო გრუნტის დამჭერი კედელი - 8 მისამართზე. ჯანსაღი ცხოვრების წესის ხელშეწყობის მიზნით, რაიონს 58 ახალი რეკრეაციული სივრცე შეემატა, მოეწყო 12 სპორტული მოედანი, მათ შორის აფრიკის დასახლებაში ეწყობა თანამედროვე სტანდარტების შესაბამისი რაგბისა და ფეხბურთის კომბინირებული მოედანი. ასევე, ფიტნეს ზონები და საბავშვო-გასართობი ატრაქციონები 10 მისამართზე მოეწყო. „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, 215 პროექტი შესრულდა. მათ შორის 120 კორპუსის სახურავი რეაბილიტირდა, მიწისქვეშა კომუნიკაციები 25 მისამართზე მოეწყო. რეაბილიტირდა და განახლდა 38 ლიფტი. 117 მისამართზე კი ჩატარდა სხვადასხვა სამუშაო. ასევე, მიმდინარე წელს გამგეობამ 10 კულტურული და 8 სპორტული ღონისძიება გამართა. ერთი წლის განმავლობაში განხორციელებული პროექტებისთვის სამგორის რაიონის გამგეობის ბიუჯეტიდან ჯამში, 46 659 945 ლარი დაიხარჯა. პრეზენტაციას თბილისის მერის მოადგილე კახა გულედანი, დედაქალაქის საკრებულოს წევრები, თბილისის მთავრობის წარმომადგენლები, სამგორის რაიონის მაჟორიტარი დეპუტატები და სხვა მოწვეული სტუმრები დაესწრნენ“,- აღნიშნულია ინფორმაციაში.
ტრამპი და რუსი ოლიგარქები დაკავშირებული არიან Deutsche Bank-ის ფულის გათეთრებასთან
აქუბარდია - გაბედეს და საკონსტიტუციო სასამართლოში რუსული ნარატივის შემცველი კითხვა დასვეს
ყიფშიძის ქუჩაზე პირი მეორე პირს ჯერ ფიზიკურად დაუპირისპირდა, შემდეგ ცივი იარაღით მოკლა, ბრალდებულიც დაჭრილია
ოცნებამ საკონსტიტუციო სასამართლოში ისმჯელა დათანხმდებოდნენ თუ არა ევროკავშირში ან ნატოში ინტეგრაციას აფხაზეთზე უარის თქმის სანაცვლოდ
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



