იუსტიციის სამინისტრო გიორგი პაპუაშვილის მიერ კონკურსში მიღებულ შედეგებს აქვეყნებს. როგორც უწყების მიერ გავრცელებულ განცხადებაშია ნათქვამი,  მაღალი საზოგადოებრივი ინტერესიდან გამომდინარე და იმ უსაფუძვლო თავდასხმების საპასუხოდ, რომელსაც სტრასბურგის სასამართლოს მოსამართლეობის ყოფილი  კანდიდატი გიორგი პაპუაშვილი უწყების  წინააღმდეგ ახორციელებს, (საუბარია, განგებ ხელის შეშლაზე გამხდარიყო სტრასბურგში საქართველოდან წარსადგენი მოსამართლის კანდიდატი), იუსტიციის სამინისტრო  სამთავრობო კომისიის თითოეული წევრის მიერ გიორგი პაპუაშვილისათვის მიკუთვნებულ ქულებს ასაჯაროვებს. იუსტიციის სამინისტრო  აქვე განმარტავს, რომ მაქსიმალური ქულა იყო - 5.

თეა წულუკიანი - 0,5

ხათუნა თოთლაძე - 1

შალვა თადუმაძე - 0

მამუკა ვასაძე  - 1

ეკა ბესელია - 2

ვახტანგ ხმალაძე - 4.5

მზია თოდუა - 2

უჩა ნანუაშვილი - 2.5

ზაზა ხატიაშვილი - 2

ირაკლი ბურდული - 3

ანა ნაცვლიშვილი - 2

საშუალო ქულა  - 1.86

საქართველოს იუსტიციის სამინისტრო მოუწოდებს გიორგი პაპუაშვილს კიდევ ერთხელ გაეცნოს მისთვის გუშინ მიწოდებულ ამ ინდივიდუალურ შეფასებებს და საშუალო ჯამურ ქულას, რომელიც სამთავრობო კომისიის სრულმა შემადგენლობამ 2016 წლის 28 თებერვალს ერთსულოვნად დაამტკიცა.

სპეციალური სამთავრობო კომისია, მთავრობის განკარგულების საფუძველზე შეიქმნა.   წევრები არიან: იუსტიციის მინისტრი თეა წულუკიანი; საქართველოს საგარეო საქმეთა მინისტრის მოადგილე, კომისიის თავმჯდომარის მოადგილე ხათუნა თოთლაძე; საქართველოს მთავრობის საპარლამენტო მდივანი შალვა თადუმაძე; საქართველოს მთავარი პროკურორის პირველი მოადგილე მამუკა ვასაძე; საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია; საქართველოს პარლამენტის იურიდიულ საკითხთა კომიტეტის თავმჯდომარე ვახტანგ ხმალაძე;საქართველოს უზენაესი სასამართლოს თავმჯდომარის მოადგილე  მზია თოდუა; საქართველოს სახალხო დამცველი უჩა ნანუაშვილი;  საქართველოს ადვოკატთა ასოციაციის წარმომადგენელი ზაზა ხატიაშვილი; ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანი ირაკლი ბურდული; კოალიციის − „დამოუკიდებელი და გამჭვირვალე მართლმსაჯულებისათვის“ − წარმომადგენელი ანა ნაცვლიშვილი.

კომისია იმ 11 კანდიდატს გაესაუბრა, რომლებმაც შერჩევის წინა ორი ეტაპი წარმატებით გაიარეს. გასაუბრების შედეგად შერჩეული ხუთი კანდიდატიდან მთავრობა სამ კანდიდატს შეარჩევს ევროსაბჭოს საპარლამენტო ასამბლეის წინაშე წარსადგენად.

გასაუბრებამდე მოსამართლეობის მსურველებმა უკვე გაიარეს შერჩევის 2 ეტაპი. ადამიანის უფლებათა ევროპული სასამართლოს მოსამართლეობის სურვილი 47-მა კანდიდატმა გამოთქვა, რომელთაგან 13 კანდიდატი შეირჩა წარმოდგენილი საბუთების მიხედვით. მათ ჩაუტარდათ ტესტირება ევროპის საბჭოს ერთ-ერთი ოფიციალური ენის (ინგლისური ან ფრანგული) ცოდნის დონის შესამოწმებლად. ტესტირებაზე გამოცხადებული 12 პრეტენდენტიდან კომპეტენციის საჭირო ზღვარი ყველა მათგანმა გადალახა.

მთავრობის მიერ დამტკიცებული 3 კანდიდატიდან ერთ-ერთს ევროპის საბჭო 2016 წლის შემოდგომაზე აირჩევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

sCoolApp-ის სპეციალური შეთავაზება მშობლებისთვის

როგორ ეხმარება მუსიკა უცხოეთში მცხოვრებ ბავშვებს ქართულ ენასთან კავშირის შენარჩუნებაში

ComCom-მა TV პირველი მიუკერძოებლობის პრინციპების დარღვევისთვის 5 000 ლარით დააჯარიმა

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა