აშშ-ს არჩეული პრეზიდენტი დონალდ ტრამპი, რომელიც პარიზში ჩავიდა ხანძრის შემდეგ აღდგენილი ღვთისმშობლის ტაძრის გახსნაზე დასასწრებად, საფრანგეთის პრეზიდენტმა ემანუელ მაკრონმა ელისეის სასახლეში შაბათს, 7 დეკემბერს მიიღო. გარკვეული პერიოდის შემდეგ მათ შეხვედრას უკრაინის სახელმწიფოს მეთაური ვლადიმერ ზელენსკი შეუერთდა.

საერთაშორისო მედია საფრანგეთის პრეზიდენტის რეზიდენციაში ტრამპის, მაკრონისა და ზელენსკის ერთობლივ ფოტოს აქვეყნებს. შეხვედრა ნოტრ-დამის ტაძრის გახსნის ცერემონიამდე შედგა და ხანმოკლე იყო. AP-ის შეფასებით, ტრამპმა ელისეის სასახლეში სულ დაახლოებით 90 წუთი გაატარა. საუბარში ზელენსკის მონაწილეობა 35 წუთს გაგრძელდა.

"კარგი, პროდუქტიული შეხვედრა პრეზიდენტ ტრამპთან და პრეზიდენტ მაკრონთან, როგორც ყოველთვის, დიდი მადლობა ამ შეხვედრის ორგანიზებისთვის", - დაწერა ზელენსკიმ.

საფრანგეთში ვიზიტი რესპუბლიკელის პირველი საერთაშორისო მოგზაურობა იყო ნოემბერში მისი მეორე ვადით პრეზიდენტად არჩევის შემდეგ. პარიზში იგი მიიღეს სრული საპრეზიდენტო პატივით, მათ შორის უზარმაზარი წითელი ხალიჩით, აღნიშნავს სააგენტო AP. ამასთან, ონლაინ გამოცემა Politico აღნიშნავს, რომ ტრამპი მაკრონთან შეხვედრაზე 40 წუთზე მეტი დაგვიანებით მივიდა.

ავტორი: ექსპრესნიუსი,

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან