რუსთაველზე სხვადასხვა კონფენსიის წარმომადგენელმა მსვლელობა გამართა

2024-12-07 20:55:19, 524 ნახვა

საზოგადოება

რუსთაველის გამზირზე მიმდინარე საპროტესტო აქციას რესპუბლიკის მოედნიდან მსვლელობით სხვადასხვა რელიგიური კონფესიის სასულიერო პირებიც შეუერთდნენ.

სხვადასხვა რელიგიური თემის წარმომადგენლებს გაშლილი აქვთ ბანერი, წარწერით- „ერთად ნამდვილი მშვიდობისთვის“.

"დაინახეთ ღმერთი, დაინახეთ ადამიანი. დაზოგეთ, გიყვარდეთ საკუთარი მომავალი" - უთხრეს პოლიციელეს სხვადასხვა კონფესიის სასულიერო პირებმა.

მათ კიდევვ ერთხელ მოუწოდეს სპეცრაზმს - "ნუ იძალადებენ ახალგაზრდებზე, რომლებიც მომავალ იცავენ".

"ყველას შეგვიძლია მოვუწოდოთ, რომ შეწყვიტონ ბოროტების ქმნა, დაიწყონ სიკეთის კეთება, გამოესარჩლონ ობოლს, ქვრივს, ჩაგრულს. ძლიერს არ სჭირდება დაცვა, ქომაგობა, ის ისედაც დაცულია - კანონით, ძალით, ჩაფხუტით..." - მღვდელი გიორგი წეროძეს მიმართვა პოლიციელებს

რუსთაველზე მყოფი აქციის მონაწილეები მათ ოვაციებითა და ტაშით შეხვდნენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,