თბილისში, რუსთაველის გამზირზე მიმდინარე საპროტესტო აქციების მონაწილეებს - ონისე ცხადაძეს, ლუკა ჯაბუასა და ანდრო ჭიჭინაძეს ბრალი ოფიციალურად წარუდგინეს.

როგორც იუმორისტ ონისე ცხადაძის ადვოკატმა, ლაშა ცუცქირიძემ „TV პირველს“ განუცხადა, დაკავებულს ჯგუფურ ძალადობაში მონაწილეობას ედავებიან.

ცუცქირიძის თქმით, ონისე ცხადაძეს ფიზიკური ძალადობის კვალი არ აღენიშნება და თავს მხნედ გრძნობს. 

„რამდენიმე წუთის წინ განხორციელდა ბრალის შესახებ დადგენილების გაცნობა ჩვენ მიმართ. ჩვენ ველოდით, რომ 225-ე მუხლი გვექნებოდა, ონისეს ბრალად წარუდგინეს 225-ე მუხლის მეორე ნაწილი, ჯგუფურ ძალადობაში მონაწილეობა. რაც შეეხება ფორმულირებას, ფაქტობრივად, ბრალის შესახებ ფორმულირება არის ერთი და იგივე ყველასთან მიმართებით, ვისაც ბრალი დღეს წარუდგინეს. აქ მოთხრობილია დანაშაულებრივი ხასიათი სხვადასხვა პირთა მიერ, მაგრამ არაფერია ნათქვამი, კონკრეტულად რაში გამოიხატა ონისე ცხადაძის სავარაუდო დანაშაული",- განაცხადა ცუცქირიძემ. 

20 წლის მომიტინგის, ლუკა ჯაბუას ადვოკატის, რუსუდან აგურაშვილის თქმით, მისი დაცვის ქვეშ მყოფს ჯგუფურ ძალადობაში მონაწილეობას ედავებიან, თუმცა დაკავებული ბრალს არ აღიარებს და დუმილის უფლებას იყენებს.

„ჯგუფურ ძალადობაში მონაწილეობას ედავებიან. რა თქმა უნდა, ლუკა ჯაბუა არ აღიარებს წარდგენილ ბრალდებას. იყენებს დუმილის უფლებას. 29 ნოემბერს მიმდინარე მოვლენებთან დაკავშირებით არის ბრალში საუბარი“, - ამბობს ადვოკატი. 

რაც შეეხება მსახიობ ანდრო ჭიჭინაძეს, მისი ადვოკატი თორნიკე მიგინეიშვილი აცხადებს, რომ „საგამოძიებო ორგანომ ვერ გაბედა ასეთი თავხედობაც, რომ უშუალოდ ორგანიზება დაებრალებინა ჭიჭინაძისთვის“.

„საგამოძიებო ორგანომ ვერ გაბედა ასეთი თავხედობაც, რომ უშუალოდ ორგანიზება დაებრალებინა ანდროსთვის. მონაწილეობას ედავებიან მას. მე მგონი, ახლა მოვისმინე, როგორც სხვა ბრალდებულებს, ასევე, რა თქმა უნდა, ამ შემთხვევაში ბრალი არის ყოვლად დაუსაბუთებელი. არანაირი მტკიცებულება ჯერჯერობით ჩამონათვალში არ ჩანს. რაც არის ჩამონათვალი, არის ძალიან ზოგადი. ბრალდებული როგორც აღნიშნავს, არანაირ უკანონო ქმედებას მისი მხრიდან არ ჰქონდა ადგილი. მასალები გადმოგვეცემა რამდენიმე საათში. ერთადერთი, რაც მინდა დამატებით გავაკეთო, უდიდეს მადლობას უხდის ანდრო საზოგადოებას მხარდაჭერისთვის“,- განაცხადა მიგინეიშვილმა.

ავტორი: ექსპრესნიუსი,

სოციალური ქსელები

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს

TI: იბეროილმა უკონკურენტო აუქციონზე 1800 კვ.მ მიწის ნაკვეთი შეიძინა, 3 დღეში კი კომპანიის მფლობელმა "ოცნებას" 160 000 ლარი შესწირა

რუმინეთმა უკრაინის საზღვარზე საჰაერო თავდასხმის განგაშის გამო F-18 გამანადგურებლები აფრინდა.

საქართველოს ბანკის გენერალური დირექტორი ლიდერატორებს კარიერული განვითარების შესაძლებლობებზე ესაუბრა