ნანა ტომარაძე, რომელმაც წუხელ, რუსთაველის გამზირზე სპეცრაზმის კორდონი ფეხით გაარღვია, სასამართლომ ადმინისტრაციულ სამართალდამრღვევად ცნო და ადმინისტრაციული სახდელის სახით 2 600 ლარი დააკისრა.

"ის გახლავთ მარტოხელა დედა, ჰყავს 11 წლის შვილი და მასზე ნერვიულობს. როცა განვუმარტე, რომ შესაძლოა, ჯარიმა გამოუწერონ, ძალიან განერვიულდა. ამბობს, რომ არ აქვს საშუალება, რომ ჯარიმა გადაიხადოს", - განაცხადა ნანა ტომარაძის ადვოკატმა.

ახალგაზრდა ქალის დაკავება წუხელ მოხდა. იგი ზაჰესის წინასწარი დაკავების იზოლატორში გადაიყვანეს სადაც ღამე გაათია.  ნანა ტომარაძეს სახლში 11 წლის შვილი ელოდება.

ცნობისთვის, 3 დეკემბრის ღამეს, თბილისში, რუსთაველის გამზირზე მიმდინარე აქციის დროს, ნანა ტომარაძე სპეცრაზმმა მას შემდეგ შეითრია კორდონში, რაც მან სპეცრაზმელის ფარს ფეხი დაარტყა.

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს