შინაგან საქმეთა მინისტრობის კანდიდატის, ვახტანგ გომელაურის განცხადებით, შინაგან საქმეთა სამინისტროს ერთ-ერთ პრიორიტეტულ მიმართულებას  საქართველოს საზღვრის ეფექტიანი დაცვა წარმოადგენს.

როგორც  ვახტანგ გომელაურმა პარლამენტში, მთავრობისთვის ნდობის გამოცხადების ფორმატში, მოხსენებით წარდგენისას განაცხადა, გრძელდება სასაზღვრო პოლიციის შესაძლებლობების განვითარება, რომლის ფარგლებშიც, უწყებას მნიშვნელოვანი მიღწევები აქვს.

„შემუშავდა „საქართველოს  სახელმწიფო  საზღვრის  რისკის  ანალიზის  ინტეგრირებული მოდელი“, რომელიც  უმთავრესად  დაეფუძნა  ევროპის  საზღვრისა  და  სანაპირო  დაცვის სააგენტოს  გამოცდილებას“, - განაცხადა ვახტანგ გომელაურმა.

შინაგან საქმეთა მინისტრობის კანდიდატის განცხადებით, გაძლიერდა  სასაზღვრო პოლიციის ოპერატიულ-საგამოძიებო კომპონენტი.

„ბოლო წლებში აშენებული 27 ახალი სასაზღვრო სექტორი, სრულად აღიჭურვა საზღვრის დაცვის თანამედროვე საინფორმაციო ტექნოლოგიებით. განხორციელდა სწრაფი რეაგირების მთავარი სამმართველოს  გადაიარაღება. მნიშვნელოვანი ნაბიჯები გადაიდგა სანაპირო დაცვის ფლოტის გაძლიერების მიზნით“ - განაცხადა ვახტანგ გომელაურმა.

როგორც ვახტანგ გომელაურმა განაცხადა,  დანაშაულის პრევენციისა და მასზე ეფექტიანი რეაგირების გაუმჯობესების მიზნით, საქართველოს სასაზღვრო გამშვებ პუნქტებზე, მათ შორის, საერთაშორისო აეროპორტებში დაინერგა სახის ამომცნობი ანალიტიკური სისტემა, რამაც შესაძლებელი გახდა ძებნილი, გაძევებული, აკრძალვაზე მყოფი პირებისა და, ასევე, სხვადასხვა სახის სამართალდარღვევის გამოვლენა.

„რიგ სასაზღვრო გამტარ პუნქტებზე განხორციელდა მნიშვნელოვანი ინფრასტრუქტურული ცვლილებები. უვიზო მიმოსვლასთან დაკავშირებული გამოწვევების საპასუხოდ, გაძლიერდება მიგრაციული ნაკადების მართვა და რეადმისიის ხელშეკრულების აღსრულება. უახლოეს მომავალში საქართველოს პარლამენტს წარედგინება კანონპროექტი, რომლის მიზანია თავშესაფრის სისტემის გაჯანსაღება. ასევე, დაგეგმილია მნიშვნელოვანი ინფრასტრუქტურული ცვლილებები, რომელიც უზრუნველყოფს მიგრაციის წინააღმდეგ ბრძოლის კუთხით შესაძლებლობების გაზრდას“, - განაცხადა ვახტანგ გომელაურმა.

ავტორი: NS (სტატია დაფინანსებულია),

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით