აჭარის ჯანმრთელობისა და სოციალური დაცვის სამინისტროს ორგანიზებით, სარეაბილიტაციო ცენტრების წარმომადგენლებთან სამუშაო შეხვედრა გაიმართა. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, შეხვედრის მიზანს არსებული პროგრამების ეფექტურობის, მათ შორის აუტიზმის პროგრამის მიმდინარეობის და შედეგების განხილვა წარმოადგენდა.

შეხვედრას მინისტრი ნინო ნიჟარაძე, ბათუმის მერის მოადგილე ლელა სურმანიძე, სამინისტროს და ბათუმის მერიის წარმომადგენლები ესწრებოდნენ.

„სპეციალური საჭიროების მქონე ბავშვთა რეაბილიტაციის პროგრამების კიდევ უფრო დახვეწის მიზნით მიზნობრივ ჯგუფებთან სისტემატიურ შეხვედრებს ვმართავთ. ჩვენი შეხვედრები ინტერაქციულია და მნიშვნელოვანია სპეციალისტებისგან მოვისმინოთ ის მოსაზრებები, რაც უფრო მოქნილს და ეფექტურს გახდის არსებულ სერვისებს. ბავშვთა რეაბილიტაციის პროგრამების განსახორციელებლად აჭარის ჯანდაცვის სამინისტრო წელს ჯამში 6 254 360 ლარს გამოყოფს“, - აღნიშნა მინისტრმა, ნინო ნიჟარაძემ.

აჭარის ჯანმრთელობისა და სოციალური დაცვის სამინისტრო 2024 წელს ბავშთა რეაბილიტაციის 5 პროგრამას ახორციელებს. ამ ეტაპისთვის პროგრამაში ჩართულია 3 072 ბენეფიციარი. მომავალ წელს სამინისტრო ჯამში სხვადასხვა საჭიროების მქონე ბავშვის რეაბილიტაციის 22 920 კურსს დააფინანსებს.

ავტორი: NS (სტატია დაფინანსებულია),

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება