2024-11-13 11:37:12, 604 ნახვა
ომი უკრაინაში
რუსეთის თავდაცვის უწყება - კიევმა რუსეთის ტერიტორიას დრონებით შეუტია - 29 დრონი განადგურებულია
უკრაინამ რუსეთის ტერიტორიას დრონებით შეუტია - 29 დრონი განადგურებულია. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ქვეყნის თავდაცვის სამინისტროზე დაყრდნობით ავრცელებს.
უწყების ცნობით, 29 უპილოტო საფრენი აპარატი კურსკის, ბელგოროდის, ტვერის, ბრიანსკის, პენზისა და ვორონეჟის ოლქებში გაანადგურეს.
"გასული ღამის განმავლობაში, როდესაც უკრაინის სამხედროები ცდილობდნენ ტერორისტული თავდასხმების განხორციელებას უპილოტო საფრენი აპარატების გამოყენებით რუსეთის ფედერაციის ტერიტორიაზე მდებარე ობიექტებზე, საჰაერო თავდაცვის სისტემებმა 29 უკრაინული უპილოტო საფრენი აპარატი გაანადგურა“, - აცხადებენ უწყებაში.
ავტორი: ექსპრესნიუსი,
epn.ge (@expressnews.ge)
