სასჯელაღსრულების მე-17 დაწესებულების ყოფილ დირექტორს პატიმრობა შეეფარდა

2015-02-13 17:29:13, 846 ნახვა

სამართალი

სასჯელაღსრულების დეპარტამენტის მე-17 დაწესებულების ყოფილ დირექტორს გიორგი ელიზბარაშვილს აღკვეთის ღონისძიების სახით წინასწარი პატიმრობა შეეფარდა. ამ გადაწყვეტილებით მოსამართლემ პროკურატურის შუამდგომლობა დააკმაყოფილა, რომელიც ელიზბარაშვილისთვის პატიმრობას ითხოვდა.
შეგახსენებთ, სასჯელაღსრულების დეპარტამენტის # მე-17 დაწესებულების დირექტორი სამსახურებრივი უფლებამოსილების ბოროტად გამოყენების ბრალდებით დააკავეს. საქმე ეხება 2015 წლის 1 იანვარს მე-17 დაწესებულებაში განხორციელებულ ფაქტს, რა დროსაც მსჯავრდებულების მხრიდან მსჯავრდებულებზე ძალადობა მოხდა. კერძოდ, პროკურატურის ინფორმაციით, ელიზბარაშვილმა რამდენიმე მსჯავრდებულს საპატიმროს ტერიტორიაზე თავისუფლად გადაადგილების საშუალება მისცა, მათ კი, პატიმრებზე ძალადობა განახორციელეს. მოცემულ ფაქტთან დაკავშირებით, ხსენებულ სასჯელაღსრულების დეპარტამენტის დაწესებულებაში მოთავსებული 7 პატიმრის მიმართ ასევე სამართლებრივი დევნა დაიწყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან