2024-11-12 12:04:10, 424 ნახვა
საზოგადოება
მარნეულის მუნიციპალიტეტში 2 წლის ბავშვი, სავარაუდოდ, აგურის დაცემის შედეგად გარდაიცვალა
მარნეულის მუნიციპალიტეტის სოფელ ალგეთში 2 წლის ბავშვს, სავარაუდოდ, აგური დაეცა, რის შედეგადაც გარდაიცვალა. ამის შესახებ ინფორმაციას „რადიო მარნეული“ ავრცელებს.
მედიის ცნობით, შემთხვევა არასრულწლოვანის საცხოვრებელ სახლში მოხდა.
შინაგან საქმეთა სამინისტრომ ფაქტთან დაკავშირებით გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. ბრალის დამტკიცების შემთხვევაში დანაშაული ისჯება შინაპატიმრობით ვადით ექვსი თვიდან ორ წლამდე ან თავისუფლების აღკვეთით ვადით ორიდან ოთხ წლამდე.
ავტორი: ექსპრესნიუსი,
epn.ge (@expressnews.ge)
