ამერიკის შეერთებული შტატების ახლადარჩეული „რესპუბლიკელი“ პრეზიდენტი დონალდ ტრამპი სახელმწიფო მდივნის პორტფელს, სავარაუდოდ, ფლორიდის სენატორს, მარკო რუბიოს ჩააბარებს. ამის შესახებ CNN ორ ანონიმურ წყაროზე დაყრდნობით წერს.

ერთ-ერთმა წყარომ CNN-ს უთხრა, რომ შეერთებული შტატების 47-ე პრეზიდენტი სახელმწიფო მდივნის თანამდებობაზე რიჩარდ გრენელის კანიდატურასაც განიხილავდა, რომელიც წარსულში გერმანიაში აშშ-ის ელჩის თანამდებობას, ხოლო მისი პირველი ადმინისტრაციის დროს, ეროვნული დაზვერვის დირექტორის მოვალეობის შემსრულებლის პოზიციას იკავებდა. წყაროს თქმითვე, ტრამპმა, ფლორიდის სენატორის მოკავშირეებთან არაერთი ზარისა და კონსულტაციის შემდეგ, არჩევანი მარკო რუბიოზე გააკეთა.

მეორე წყაროს თქმით, სანამ შეთავაზება ოფიციალურად იქნება გაკეთებული, ტრამპს შეუძლია, გადაიფიქროს.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან