2024-11-11 15:07:53, 769 ნახვა
ომი უკრაინაში
ჯოზეფ ბორელმა კიევში, საჰაერო განგაშის გამო, თავშესაფარს შეაფარა თავი
ევროკავშირის უმაღლესი წარმომადგენელი ჯოზეფ ბორელი, რომელიც უკრაინაში იმყოფება, კიევში გამოცხადებული საჰაერო თავდასხმის მაუწყებელი განგაშის გამო იძულებული გახდა, თავშესაფარში გადასულიყო. ამის შესახებ ბორელი სოციალურ ქსელ X-ზე წერს.
ბორელის განცხადებით, ეს არის უკრაინელი ხალხის ყოველდღიური რეალობა რუსეთის სრულმასშტაბიანი შეჭრიდან.
"კიევში, დღე თავშესაფარში დავიწყე, რადგან რუსეთი მორიგი სარაკეტო შეტევას ახორციელებს. ეს არის უკრაინელი ხალხის ყოველდღიური რეალობა რუსეთის სრულმასშტაბიანი შემოჭრის შემდეგ", - წერს ბორელი.
შეგახსენებთ, ევროკავშირის უმაღლესი წარმომადგენელი ჯოზეფ ბორელი უკრაინაში 9 ნოემბერს ჩავიდა.
ავტორი: ექსპრესნიუსი,
epn.ge (@expressnews.ge)
