სენატორი მარკო რუბიო ფლორიდადან შესაძლოა გახდეს აშშ-ის ახალი სახელმწიფო მდივანი დონალდ ტრამპის დროს. ამის შესახებ, ამერიკული გამოცემები The Hill და Politico წერენ, აშშ-ში საპრეზიდენტო არჩევნებში გამარჯვებულ ტრამპთან დაახლოებულ წყაროებზე დაყრდნობით.

რუბიომ ჯერ კიდევ 2014 წელს, რუსეთის მიერ ყირიმის ანექსიის შემდეგ, მოითხოვა რუსული ბანკების გათიშვა საერთაშორისო გადახდის სერვისის სისტემიდან SWIFT. 2022 წლის იანვარში, უკრაინის წინააღმდეგ რუსეთის სრულმასშტაბიანი აგრესიის დაწყებამდე, რესპუბლიკელმა გაიმეორა თავისი მოწოდება. გარდა ამისა, მან მოუწოდა პერსონალური სანქციების შემოღების ინიციატივას ვლადიმერ პუტინისა და რუსეთის ხელმძღვანელობის რიგი სხვა მთავარი წარმომადგენლის წინააღმდეგ უკრაინაზე რუსეთის თავდასხმის შემთხვევაში. 2022 წლის მარტის დასაწყისში, რუბიომ, სხვა რესპუბლიკელ სენატორთან, ჩას გრასლისთან ერთად, შესთავაზა ფართო სანქციების შემოღება რუსეთის ყველა სახელმწიფო საწარმოს წინააღმდეგ.

აშშ-ს პრეზიდენტად დონალდ ტრამპის არჩევის შემდეგ რუბიომ განაცხადა, რომ უკრაინაში ომი "ჩიხში შევიდა" და რომ ის უნდა დასრულდეს. ამავე დროს, მან აღნიშნა, რომ „უკრაინელები წარმოუდგენლად მამაცები და ძლიერები იყვნენ“ რუსული აგრესიისგან თავის დასაცავად.

ავტორი: ექსპრესნიუსი,

სოციალური ქსელები

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს