მოლდოველებმა მკაფიო არჩევანი გააკეთეს,- ასე ეხმაურება უკრაინის პრეზიდენტი ვოლოდიმერ ზელენკი მოლდოვის საპრეზიდენტო არჩევნების შედეგებს, რომლის მიხედვითაც, მეორე ტურში მოქმედმა პრეზიდენტმა, მაია სანდუმ გაიმარჯვა.

როგორც ზელენსკი სოციალურ ქსელ X-ზე წერს, მოლდოველებმა, ევროპა, ეკონომიკური ზრდისა და სოციალური სტაბილურობის გზა აირჩიეს.

"ვულოცავ მაია სანდუს მოლდოვას საპრეზიდენტო არჩევნებში გამარჯვებას. უკრაინა მხარს უჭერს მოლდოველი ხალხის ევროპულ არჩევანს და მზადაა, ერთად იმუშაოს ჩვენი პარტნიორობის გასაძლიერებლად.

მოლდოველებმა მკაფიო არჩევანი გააკეთეს - მათ აირჩიეს გზა ეკონომიკური ზრდისა და სოციალური სტაბილურობისკენ. მხოლოდ ჭეშმარიტ უსაფრთხოებასა და მშვიდობიან, გაერთიანებულ ევროპას შეუძლია, უზრუნველყოს თითოეული ადამიანისა და ყველა ოჯახის ნდობა, რომ შეხვდეს ხვალინდელ დღეს იმედით და რწმენით",- წერს ზელენსკი.

შეგახსენებთ, გუშინ, 3 ნოემბერს მოლდოვაში საპრეზიდენტო არჩევნების მეორე ტური გაიმართა, რომელშიც ამ დროისთვის არსებული მონაცემების მიხედვით, ქვეყნის მოქმედმა პრეზიდენტმა, მაია სანდუ 55.25%-ით გაიმარჯვა. მისმა მოწინააღმდეგე ალექსანდრ სტოიანოგლუმ კი, ხმათა  44.75%-ის მოპოვება შეძლო.

აღსანიშნავია, რომ მოლდოვაში საპრეზიდენტო არჩევნების მეორე ტური მას შემდეგ ჩატარდა, რაც 20 ოქტომბერს, არჩევების პირველ ტურში სანდუმ ხმების - 42.45%, ხოლო სტოიანოგლუმ 25.98% მიიღო.

ავტორი: ექსპრესნიუსი,

სოციალური ქსელები

„პალიტრანიუსის“ ჟურნალისტ მარიამ მაზიაშვილს სპეცდანიშნულების რაზმის წარმომადგენელმა ტელეფონი დაუმტვრია

სახალხო დამცველი - მოვუწოდებთ შსს-ს, დადგენილი საფუძვლის გარეშე არ მოახდინოს მოქალაქეთა შემოწმებები

პრეზიდენტი - ადამიანის ძირითადი უფლებების უხეში დარღვევები - გატაცებები, ცემა, უკანონო ჩხრეკა და დაპატიმრებები - გრძელდება

ომბუდსმენი - აქცია იყო მშვიდობიანი და მისი დაშლის და შეკრების თავისუფლებაში ჩარევის სამართლებრივი საფუძველი არ არსებობდა